ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ມິຖຸນານີ້, ທ່ານມິນອອງລາຍ ຜູ້ນຳມຽນມາໄດ້ຕ້ອນຮັບການເຂົ້າຢ້ຽມຄຳນັບຂອງທ່ານເສີນໄຮ້ ເອກອັກຄະລັດຖະທູດຈີນປະຈຳມຽນມາຢູ່ນະຄອນຫລວງເນປີດໍປະເທດມຽນມາ.
ທ່ານມິນອອງລາຍໄດ້ແນະນຳສະຖານະການພາຍໃນມຽນມາໃຫ້ຊາບ, ທ່ານກ່າວວ່າ: ມຽນມາໄດ້ສຸມກຳລັງເຂົ້າໃນການປ້ອງກັນຄວາມໝັ້ນຄົງແຫ່ງຊາດ, ການພັດທະນາເສດຖະກິດ ແລະຊີວິດການເປັນຢູ່ຂອງປະຊາຊົນ, ການປົກປັກຮັກສາປະຊາທິປະໄຕ ແລະລະບອບກົດໝາຍ. ມຽນມາຍິນດີຮ່ວມກັບອາຊຽນພະຍາຍາມຮ່ວມກັນ, ສຸມກຳລັງເຂົ້າໃນການປົກປັກຮັກສາຄວາມໝັ້ນຄົງພາຍໃນມຽນມາ, ປະສານງານ ແລະຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນທີ່ກ່ຽວຂ້ອງ. ຈີນແມ່ນປະເທດບ້ານໃກ້ເຮືອນຄຽງທີ່ສຳຄັນຂອງມຽນມາ, ມຽນມາຍິນດີຮັກສາການຕິດຕໍ່ພົວພັນກັນກັບຈີນ.
ທ່ານເສີນໄຮ້ກ່າວວ່າ: ຈີນທະນຸຖະໜອມ ແລະເອົາໃຈໃສ່ເປັນຢ່າງສູງຕໍ່ໄມຕີຈິດມິດຕະພາບທີ່ເປັນມູນເຊື້ອລະຫວ່າງຈີນ ແລະມຽນມາຢ່າງສະເໝີຕົ້ນສະເໝີປາຍ, ຫວັງຢ່າງຈິງໃຈວ່າສະຖານະການມຽນມາຈະຟື້ນຟູສັນຕິພາບ ແລະຄວາມໝັ້ນຄົງໂດຍໄວ, ຈີນສະໜັບສະໜູນອາຊຽນ ແລະມຽນມາຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນ. ຈີນຍິນດີສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເພື່ອເລື່ອງນີ້.
ຄຳເຫັນ
0