ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ມິຖຸນານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານອວຍພອນເຖິງທ່ານດູເຕີເຕ ປະທານາທິບໍດີຟິລິບປິນ ເພື່ອສະແດງຄວາມຊົມເຊີຍເນື່ອງໃນໂອກາດວັນສ້າງຕັ້ງສາຍພົວພັນທາງການທູດຈີນ-ຟິລິບປິນຄົບຮອບ 46 ປີ ແລະອວຍພອນວັນຊາດຟິລິບປິນຄົບຮອບ 123 ປີ.
ທ່ານສີຈິ້ນຜິງກ່າວວ່າ: ຈີນ ແລະຟິລິບປິນແມ່ນປະເທດບ້ານໃກ້ເຮືອນຄຽງທີ່ດີ, ມີໄມຕີຈິດມິດຕະພາບທີ່ດີມາແຕ່ດົນນານ. ໃນຊຸມປີຜ່ານມາ, ພາຍໃຕ້ຄວາມພະຍາຍາມຮ່ວມກັນ, ສາຍພົວພັນຈີນ-ຟິລິບປິນໄດ້ຂະຫຍາຍຕົວຢ່າງປອດໃສ ແລະໝັ້ນທ່ຽງ ເຊິ່ງໄດ້ສົ່ງຜົນປະໂຫຍດຕົວຈິງໃຫ້ກັບປະຊາຊົນສອງຊາດ. ພາຍຫຼັງເກີດມີສະພາບພະຍາດໂຄວິດ-19, ສອງຝ່າຍໄດ້ໃຫ້ການຊ່ວຍເຫຼືອເຊິ່ງກັນ ແລະກັນ, ຜ່ານຜ່າຄວາມຫຍຸ້ງຍາກຮ່ວມກັນ, ໄມຕີຈິດມິດຕະພາບສອງຝ່າຍກໍໄດ້ຍົກສູງຂຶ້ນ. ຂ້າພະເຈົ້າໄດ້ໃຫ້ຄວາມສຳຄັນຢ່າງສູງຕໍ່ການຂະຫຍາຍສາຍພົວພັນຈີນ-ຟິລິບປິນ, ຍິນດີຮ່ວມກັບທ່ານ ປະທານາທິບໍດີຟິລິບປິນດູເຕີເຕ, ນຳໜ້າພາທາງໃຫ້ສາຍພົວພັນສອງຊາດຂະຫຍາຍຕົວໄດ້ຢ່າງໝັ້ນທ່ຽງ ແລະຍາວນານ, ບັນລຸເປົ້າໝາຍໃຫ້ຕ່າງຝ່າຍຕ່າງມີຜົນປະໂຫຍດຫຼາຍກວ່າເກົ່າ.
ຄຳເຫັນ
0