ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມິຖຸນານີ້, ກອງເລຂາງານວາງສະແດງສິນຄ້າຈີນ-ອາຊຽນ ແລະ ສະຖານກົງສຸນລາວປະຈຳນະຄອນໜານໜິງ ໄດ້ຮ່ວມກັນເປັນເຈົ້າພາບຈັດງານໂຄສະນາເຜີຍແຜ່ການລົງທຶນຢູ່ປະເທດລາວເປັນະເພາະ ຢູ່ນະຄອນໜານໜິງ ດ້ວຍຮູບການອອນລາຍ ແລະ ອັອຟລາຍ.
ງານໂຄສະນາຄັ້ງນີ້ເປັນໜຶ່ງໃນກິດຈະກຳທີ່ລາວເປັນປະເທດເຈົ້າພາບຮ່ວມໃນງານວາງສະແດງສິນຄ້າຈີນ-ອາຊຽນຄັ້ງທີ 18 ແລະ ມີນັກທຸລະກິດເກືອບຮ້ອຍຄົນທີ່ໄດ້ລົງທຶນ ຫຼື ມີຈຸດປະສົງຈະໄປລົງທຶນຢູ່ລາວເຂົ້າຮ່ວມ.
ທ່ານວາງເລີຍ ເລຂາທິການໃຫຍ່ກອງເລຂາງານວາງສະແດງສິນຄ້າຈີນ-ອາຊຽນກ່າວວ່າ: ນັບແຕ່ງານວາງສະແດງສິນຄ້າຈີນ-ອາຊຽນຈັດຂຶ້ນຢ່າງສຳເລັດຜົນເປັນ 17 ປີມານີ້, ໄດ້ຊຸກຍູ້ການແລກປ່ຽນ ແລະ ຮ່ວມມືລະຫວ່າງຈີນກັບລາວຢ່າງແຂງແຮງ. ປີ 2021 ພໍດີແມ່ນປີທີ່ສ້າງການພົວພັນຄູ່ເຈລະຈາຈີນ-ອາຊຽນຄົບຮອບ 30 ປີ, ຈີນແລະລາວສ້າງສາຍພົວພັນທາງການທູດຄົບຮອບ 60 ປີ, ປີມິດຕະພາບລາວ-ຈີນ ແລະ ລາວເປັນເຈົ້າພາບຮ່ວມໃນງານວາງສະແດງສິນຄ້າຈີນ-ອາຊຽນຄັ້ງທີ 18, ງານວາງສະແດງໃນປີນີ້ຈະຜ່ານຈາກການຈັດກິດຈະກຳເສດຖະກິດການຄ້າທີ່ມີຫຼາຍສີຫຼາຍສັນ ເພື່ອລົງເລິກການຮ່ວມມືດ້ານການຄ້າ ແລະ ການລົງທຶນລະຫວ່າງສອງປະເທດຕື່ມອີກ.
ຄຳເຫັນ
0