ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ມິຖຸນານີ້, ທ່ານອະພິຊິດ ເວດຊາຊີວະອະດີດນາຍົກລັດຖະມົນຕີ, ອະດີດປະທານພັກປະຊາທິປັດໄທກ່າວວ່າ: ພັກກອມມູນິດຈີນມີຄວາມກ້າຫານໃນການປະຕິຮູບຕໍ່ຕົນເອງ, ກ້າວໜ້າໄປພ້ອມກັບຍຸກສະໄໝຢ່າງສະເໝີຕົ້ນສະເໝີປາຍ, ຮັບມືກັບສິ່ງທ້າທາຍຕ່າງໆຢ່າງສົມເຫນສົມຜົນ ເຊິ່ງບົດຮຽນທີ່ດີເຫຼົ່ານີ້ເປັນໜ້າຖອດຖອນຮ່ຳຮຽນສຳລັບປະເທດແລະພັກການເມືອງອື່ນ.
ມື້ດຽວກັນ, ກອງປະຊຸມສຳມະນາກ່ຽວກັບການສ້າງຕັ້ງພັກກອມມູນິດຈີນຄົບຮອບ 100 ປີແລະການສ້າງສາຍພົວພັນທາງການທູດລະຫວ່າງໄທກັບຈີນຄົບຮອບ 46 ປີ ທີ່ສູນຄົ້ນຄວ້າຍຸດທະສາດໄທ-ຈີນຂອງສະຖາບັນຄົ້ນຄວ້າແຫ່ງຊາດໄທແລະສູນຄົ້ນຄວ້າ “ໜຶ່ງແລວໜຶ່ງເສັ້ນທາງ” ໄທ-ຈີນຮ່ວມກັນເປັນເຈົ້າພາບໄດ້ຈັດຂຶ້ນຢູ່ນະຄອນຫຼວງບາງກອກໄທ. ທ່ານອະພິສິດໄດ້ໃຫ້ທັດສະນະດັ່ງກ່າວໃນກອງປະຊຸມຄັ້ງນີ້ຜ່ານທາງວິດີໂອ.
ທ່ານກ່າວວ່າ: ພາຍໃຕ້ການນຳພາຂອງພັກກອມມູນິດຈີນ, ຈີນໄດ້ຮັບຜົນສຳເລັດອັນໃຫຍ່ຫຼວງໃນການພັດທະນາເສດຖະກິດສັງຄົມແລະຂົງເຂດຕ່າງໆ. ຈີນໄດ້ຮັບໄຊຊະນະຢ່າງຮອບດ້ານໃນການລຶບລ້າງຄວາມທຸກຍາກ, ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ກໍໄດ້ເປັນກຳລັງຊຸກດັນການພັດທະນາຂອງໂລກ ເຊິ່ງໄດ້ປະກອບສ່ວນທີ່ສຳຄັນເພື່ອພາລະກິດສັນຕິພາບແລະການພັດທະນາຂອງໂລກ.
ຄຳເຫັນ
0