ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ມິຖຸນານີ້, ການເຄື່ອນໄຫວ ການບັງຄັບໃຊ້ກົດໝາຍ ແລະລາດຕະເວນຮ່ວມກັນຕາມລຳແມ່ນ້ຳຂອງລະຫວ່າງຈີນ-ລາວ-ມຽນມາ-ໄທຄັ້ງທີ 106ທີ່ດຳເນີນມາເປັນເວລາ 4 ວັນ 3 ຄືນໄດ້ປະສົບຜົນສຳເລັດຢ່າງຈົບງາມ. 4 ປະເທດໄດ້ສົ່ງເຮືອ 4 ລຳ ແລະເຈົ້າໜ້າທີ່ບັງຄັບໃຊ້ກົດໝາຍ 99 ຄົນປະຕິບັດໜ້າທີ່ໃນຄັ້ງນີ້.
ໃນໄລຍະການເຄື່ອນໄຫວ, ເຈົ້າໜ້າທີ່ໄດ້ດຳເນີນການກວດກາຮ່ວມຢູ່ເຂດນ້ຳບ້ານຊຽງກົກ, ກວດລົດ 79 ຄັນ, 168 ຄົນ ແລະ ສິນຄ້າ 29 ໂຕນ. ຕາມແຜນການເຄື່ອນໄຫວໂຄສະນາກ່ຽວກັບວັນຕ້ານຢາເສບຕິດສາກົນ 26 ມິຖຸນາ, 4 ປະເທດຈະຈັດ ກິດຈະກຳຕ່າງໆເພື່ອໂຄສະນາດ້ານການຕ້ານຢາເສບຕິດທີ່ມີຫົວຂໍ້ວ່າ “ຮ່ວມຈິດຮ່ວມໃຈກັນ ຮ່ວມມືຕ້ານຢາເສບຕິດ”.
ນັບແຕ່ຕົ້ນປີນີ້ມາ, ພາກສ່ວນບັງຄັບໃຊ້ກົດໝາຍຂອງ4 ປະເທດຈີນ-ລາວ-ມຽນມາ-ໄທໄດ້ມ້າງຄະດີອາຊະຍາກຳກ່ຽວກັບຢາເສບຕິດ ທັງໝົດ 3387 ຄະດີ, ຍຶດໄດ້ຢາເສບຕິດປະເພດຕ່າງໆທັງໝົດ 66,78ໂຕນ, ຈັບຜູ້ຖືກສົງໄສກະທຳຜິດ 3010 ຄົນ, ເປັນການປາບປາມການຄ້າຂາຍຢາເສບຕິດຕາມລຳແມ່ນ້ຳຂອງແລະການເຄື່ອນໄຫວຜິດກົດໝາຍຂ້າມຊາດປະເພດຕ່າງໆຢ່າງມີປະສິດທິຜົນ.
ຄຳເຫັນ
0