ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ມິຖຸນານີ້, ພະແນກພັດທະນາການຄ້າ ແລະ ເສດຖະກິດອົງການປົກຄອງເຂດພິເສດຮົງກົງຈີນ ກັບ ກະຊວງການຄ້າ ແລະ ອຸດສາຫະກຳຟິລິບປິນໄດ້ຮ່ວມກັນຈັດງານສຳມະນາທາງອອນລາຍພາຍໃຕ້ຫົວຂໍ້ “ຮົງກົງ-ຟິລິບປິນເພິ່ມທະວີການຕິດຕໍ່ພົວພັນກັນ” ເພື່ອເພິ່ມທະວີການຮ່ວມມືໃນດ້ານເສດຖະກິດ ແລະ ວິທະຍາສາດເຕັກໂນໂລຊີ.
ທ່ານສິ່ວເທີງຮວາ ຫົວໜ້າພະແນກພັດທະນາການຄ້າ ແລະ ເສດຖະກິດອົງການປົກຄອງເຂດພິເສດຮົງກົງກ່າວວ່າ, ອາຊຽນເປັນຄູ່ການຄ້າໃຫຍ່ອັນດັບສອງຂອງຮົງກົງເປັນເວລາ 10 ປີລຽນຕິດ, ຮົງກົງຍິນດີຮ່ວມມືກັບບັນດາປະເທດອາຊຽນ ເຊິ່ງລວມທັງຟິລິບປິນ ເພື່ອປະກອບສ່ວນເຂົ້າໃນການຟື້ນຟູ ແລະ ການພັດທະນາເສດຖະກິດຂອງພາກພື້ນຫຼັງພະຍາດໂຄວິດ-19.
ທ່ານສິ່ວເທີງຮວາຊີ້ອອກວ່າ, ຮົງກົງບໍ່ພຽງແຕ່ຈະສືບຕໍ່ເປັນເວທີອັນດັບໜຶ່ງ ແລະ ຊ່ອງທາງຕົ້ນຕໍສຳລັບອາຊຽນເພື່ອພັດທະນາເສດຖະກິດ ແລະ ຕິດຕໍ່ພົວພັນກັບແຫ່ງຕ່າງໆຂອງໂລກ,ທັງຈະກາຍເປັນເພື່ອນມິດທີ່ໃກ້ຊິດຂອງວົງການທຸລະກິດ ແລະ ວິສາຫະກິດຂອງອາຊຽນ, ເພື່ອຮ່ວມມືກັນໃນການພັດທະນາຕະຫຼາດ
ໃໝ່, ກຳກາລະໂອກາດທາງດ້ານການຄ້າ ແລະ ການລົງທຶນໃໝ່, ໂດຍສະເພາະແມ່ນໂອກາດສຳຄັນຈາກຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແລະ ການພັດທະນາເຂດອ່າວກວາງຕຸ້ງ-ຮົງກົງ-ມາກາວ.
ຄຳເຫັນ
0