ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ລັດຖະມົນຕີກະຊວງສຶກສາທິການ ທັງເປັນລັດຖະມົນຕີວຽກງານບໍລິຫານກະຊວງການພັດທະນາສັງຄົມແລະຄອບຄົວສິງກະໂປ ໄດ້ສະເໜີຮ່າງກົດໝາຍວ່າດ້ວຍເງິນຝາກປະຢັດຮ່ວມເພື່ອລ້ຽງດູແລະບົ່ມສ້າງເດັກນ້ອຍສະບັບດັດແກ້ຢູ່ໃນລັດຖະສະພາສິງກະໂປ ເພື່ອສົ່ງເສີມໃຫ້ປະຊາຊົນສ້າງຄອບຄົວແລະມີລູກ.
ປີກາຍນີ້, ລັດຖະບານສິງກະໂປໄດ້ປະກາດວ່າ: ໄດ້ແຈກຢາຍເງິນອຸດໜູນລວດດຽວປະມານ 3000 ໂດລາສິງກະໂປ (ຫຼືປະມານ 23 ລ້ານກີບ) ໃຫ້ແກ່ເດັກນ້ອຍສັນຊາດສິງກະໂປແຕ່ລະຄົນທີ່ເກີດໃນລະຫວ່າງວັນທີ 1 ຕຸລາປີ 2020 ຫາວັນທີ 30 ກັນຍາປີ 2022, ພໍ່ແມ່ທີ່ມີລູກຜູ້ທີສອງຈະໄດ້ຮັບການຊ່ວຍເຫຼືອດ້ານການເງິນຫຼາຍກວ່າເກົ່າ ເຊິ່ງເງິນອຸດໜູນສູງສຸດທີ່ມອບໃຫ້ລູກຜູ້ທີສອງນັ້ນໄດ້ເພີ່ມຂຶ້ນຈາກ 3000 ໂດລາສິງກະໂປເປັນ 6000 ໂດລາສິງກະໂປ (ຫຼືປະມານ 45 ລ້ານກີບ).
ຕົວເລກຂໍ້ມູນຜົນການສຳຫຼວດປະຊາກອນສິງກະໂປປີ 2020 ທີ່ອົງການສະຖິຕິສິງກະໂປປະກາດໃນເດືອນມິຖຸນາປີນີ້ສະແດງໃຫ້ເຫັນວ່າ: ສິງກະໂປມີປະຊາກອນທັງໝົດ 5.685.800 ຄົນ. ໃນ 10 ຜ່ານມາ, ສິງກະໂປມີປະຊາກອນເພີ່ມຂຶ້ນ 6 ແສນຄົນ, ອັດຕາເພີ່ມຂຶ້ນຕໍ່ປີແມ່ນ 1,1% ເຊິ່ງມີຈັງຫວະຊ້າກວ່າ 20 ປິກ່ອນທີ່ເພີ່ມຂຶ້ນ 2,5% ແລະກໍແມ່ນ 10 ປີທີ່ມີຈັງຫວະເພີ່ມຂຶ້ນຊ້າສຸດນັບແຕ່ຊຸມປີ 1970 ເປັນຕົ້ນມາ.
ຄຳເຫັນ
0