ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ເນື່ອງໃນໂອກາດທີ່ຈີນ-ອາຊຽນສ້າງຕັ້ງສາຍພົວພັນຄູ່ຮ່ວມສົນທະນາຄົບຮອບ 30 ປີ, ວັນທີ 14 ກໍລະກົດນີ້,ເວທີປຶກສາຫາລືການຮ່ວມມືດ້ານສື່ມວນຊົນ “ຄູ່ຮ່ວມອາຊຽນ”2021 ທີ່ຈັດຂຶ້ນໂດຍສະຖານີວິທະຍຸກະຈາຍສຽງແລະໂທລະພາບສູນກາງຈີນຫຼື CMG ໄດ້ໄຂຂຶ້ນຢູ່ນະຄອນຫຼວງປັກກິ່ງຂອງຈີນ. ທ່ານເສີນ ໄຫ ຊົງ, ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ອຳນວຍການໃຫຍ່ທັງເປັນຫົວໜ້າບັນນາທິການຂອງ CMG ໄດ້ເຂົ້າຮ່ວມກອງປະຊຸມແລະກ່າວຄຳປາໄສ. CMG ໄດ້ດຳເນີນການສົນທະນາກັບແຂກຈີນແລະຕ່າງປະເທດເກືອບ 100 ທ່ານທີ່ມາຈາກສື່ມວນຊົນແລະອົງການ 33 ແຫ່ງຂອງ 15 ປະເທດຜ່ານທາງອອນລາຍແລະອອຟລາຍ.
ທ່ານເສີ້ນ ໄຫ ຊົງກ່າວຄຳປາໄສວ່າ, ໃນຊຸມປີມໍ່ໆມານີ້, CMG ກັບສື່ມວນຊົນຕ່າງໆຂອງບັນດາປະເທດອາຊຽນໄດ້ດຳເນີນການຮ່ວມມືແລະແລກປ່ຽນກັນດ້ວຍຫຼາຍຮູບແບບແລະຫຼາຍລະດັບ, ເຊິ່ງໄດ້ຊຸກຍູ້ຄວາມເຂົ້າໃຈກັນແລະຄວາມໄວ້ເນື້ອເຊື່ອໃຈກັນລະຫວ່າງປະຊາຊົນບັນດາປະເທດມີປະສິດທິຜົນ. CMG ຍິນດີຕ້ອນຮັບສື່ມວນຊົນຂອງປະເທດອາຊຽນຫຼາຍກວ່າເກົ່າມາເລົ່າເລື່ອງກ່ຽວກັບຈີນ, ກ່ຽວກັບອາຊຽນຢ່າງພາວະວິໄສແລະສອດຄ່ອງກັບສະພາບຕົວຈິງ, ຮ່ວມກັນເລົ່າເລື່ອງກ່ຽວກັບການຮ່ວມມືແລະການແລກປ່ຽນລະຫວ່າງຈີນ-ອາຊຽນໃຫ້ດີ..
ໃນເວທີປຶກສາຫາລືຄັ້ງນີ້, ຜູ້ຮັບຜິດຊອບຂອງສູນລາຍການທະວີບອາຊີແລະທະວີບອາຟຣິກາແລະທ່ານອື່ນໆໄດ້ຮ່ວມກັນເປີດສາດກິດຈະກຳ “ໂຮງຮູບເງົາກາງແຈ້ງຕາມແມ່ນ້ຳລ້ານຊ້າງ-ແມ່ນ້ຳຂອງ”ປີ 2021.
ຄຳເຫັນ
0