ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນັບແຕ່ຫວຽດນາມເກີດມີສະພາບພະຍາດໂຄວິດ-19ຢ່າງກະທັນຫັນໃນທ້າຍເດືອນເມສາເປັນຕົ້ນມາ ສະພາບພະຍາດໄດ້ແຜ່ລະບາດຢ່າງຕໍ່ເນື່ອງ. ຕາມກະຊວງສາທາລະນະສຸກຂອງຫວຽດນາມລາຍງານໃນວັນທີ18ກໍລະກົດນີ້ວ່າ: ພາຍໃນໄລຍະເວລາ24ຊົ່ວໂມງທີ່ຜ່ານມາ ຢູ່ຫວຽດນາມໄດ້ມີຜູ້ຖືກບົ່ງມະຕິເປັນພະຍາດໂຄວິດ-19ທີ່ເພີ່ມໃໝ່ 5.926ກໍລະນີ,ເຊິ່ງເປັນສະຖິຕິເພີ່ມໃໝ່ສູງສຸດຕໍ່ມື້,ລວມແລ້ວມີທັງໝົດ53.830ກໍລະນີ.
ໂດຍແນໃສ່ສະພາບການດັ່ງກ່າວ,ອົງການປົກຄອງນະຄອນຫຼວງຮ່າໂນ້ຍໄດ້ປະກາດວ່າ: ນັບແຕ່ເວລາ0ໂມງຂອງວັນທີ19ກໍລະກົດເປັນຕົ້ນໄປ,ຮ່າໂນ້ຍຈະໃຊ້ມາດຕະການປີດເມືອງ ໂດຍຮຽກຮ້ອງໃຫ້ຊາວເມືອງໝົດທຸກຄົນຕ້ອງກັກບໍລິເວນຢູ່ໃນເຮືອນ,ບໍ່ຄວນອອກນອກເຮືອນຖ້າບໍ່ຈຳເປັນແລະບໍ່ມີກໍລະນີສຸກເສີນ; ແຕ່ອະນຸຍາດໃຫ້ຮ້ານຄ້າທີ່ຂາຍເຄື່ອງໃຊ້ໃນຊີວິດປະຈຳວັນທີ່ຈຳເປັນແລະຮ້ານຂາຍຢາເປີດບໍລິການຄືເກົ່າ; ປະຊາຊົນຕ້ອງປະຕິບັດມາດຕະການຕ່າງໆຢ່າງເຂັ້ມງວດ ເຊັ່ນ:ໃສ່ຜ້າປິດປາກ,ບໍ່ເຕົ້າໂຮມກັນ,ຮັກສາໄລຍະຫ່າງທາງສັງຄົມ,ແຈ້ງໃບຢັງຢືນສຸຂະພາບ; ສ່ວນຮ້ານອາຫານມີແຕ່ອະນຸຍາດໃຫ້ຊື້ກັບເຮືອນໄດ້ເທົ່ານັ້ນ.
ນອກນີ້ແລ້ວ,ຢູ່ພາກໃຕ້ຫວຽດນາມ ມີ16ແຂວງ,ນະຄອນແລະເຂດໄດ້ເລີ່ມປະຕິບັດມາດຕະການປິດເມືອງສອງອາທິດ ເຊິ່ງເລີ່ມແຕ່ວັນທີ19ກໍລະກົດນີ້ເປັນຕົ້ນໄປ,ມາຮອດປັດຈຸບັນ,ຢູ່ພາກໃຕ້ຫວຽດນາມ ໄດ້ມີ19ແຂວງແລະນະຄອນໄດ້ປິດເມືອງຍ້ອນສະພາບພະຍາດໂຄວິດ-19.
ຄຳເຫັນ
0