ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ສະພາບການແຜ່ລະບາດຂອງພະຍາດໂຄວິດ-19 ຢູ່ກຳປູເຈຍໄດ້ເກີດມີທ່ວງທ່າໃໝ່, ຜູ້ຖືກບົ່ງມະຕິເປັນພະຍາດເພີ່ມໃໝ່ທີ່ມາຈາກຕ່າງປະເທດໄດ້ເພີ່ມຂຶ້ນຢ່າງວ່ອງໄວ.
ອີງຕາມຕົວເລກທີ່ກະຊວງສາທາລະນະສຸກກຳປູເຈຍເປີດເຜີຍ, ເລີ່ມແຕ່ກາງເດືອນນີ້, ຜູ້ຖືກບົ່ງມະຕິເປັນພະຍາດເພີ່ມໃໝ່ທີ່ມາຈາກຕ່າງປະເທດກວມເກືອບເຄິ່ງໜຶ່ງຂອງຈຳນວນຜູ້ຖືກບົ່ງມະຕິເປັນພະຍາດເພີ່ມໃໝ່ຢູ່ກຳປູເຈຍ, ຄົນເຈັບເຫຼົ່ານີ້ສ່ວນຫຼາຍມາຈາກປະເທດໄທ. ສະນັ້ນ, ເຈົ້າໜ້າທີ່ກຳປູເຈຍຈຶ່ງໃຊ້ມາດຕະການຕ່າງໆເພື່ອເພີ່ມທະວີການຄວບຄຸມເຂດທີ່ມີຊາຍແດນຕິດກັບປະເທດໄທ, ຫວຽດນາມແລະປະເທດອື່ນໆ, ເພື່ອປ້ອງກັນບໍ່ໃຫ້ພະຍາດໂຄວິດ-19 ແຜ່ລະບາດອີກ.
ໃນຂະນະດຽວກັນນັ້ນ, ເຖິງວ່າອັດຕາຜູ້ຖືກບົ່ງມະຕິເປັນພະຍາດໂຄວິດ-19 ທີ່ເກີດຂຶ້ນພາຍໃນປະເທດໄດ້ຫຼຸດລົງ, ແຕ່ຫຼາຍແຫ່ງຂອງກຳປູເຈຍຍັງສືບຕໍ່ປະຕິບັດມາດຕະການຄວບຄຸມຢ່າງເຂັ້ມງວດ, ຄຳສັ່ງກ່ຽວກັບການປ້ອງກັນພະຍາດໂຄວິດ-19 ຂອງນະຄອນຫຼວງພະນົມເປັນໄດ້ແກ່ຍາວເວລາອອກໄປອີກໄລຍະໜຶ່ງ.
ຄຳເຫັນ
0