ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ກໍລະກົດນີ້, ເວັບໄຊຂ່າວຟິລິບປິນ ໄດ້ລົງບົດຄວາມທີ່ພາດຫົວຂໍ້ວ່າ “ຈົ່ງເປີດປະຕູຫ້ອງທົດລອງຊີວະພາບຟອດເດຕຣິກເພື່ອໃຫ້ມີການສຳຫຼວດແລະຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19”, ບົດຄວາມທີ່ຂຽນໂດຍທ່ານເຮີເມນ ໂລເຣວ ໄດ້ຊີ້ໃຫ້ເຫັນວ່າ: ໃນບັນຫາການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19, ອາເມຣິກາໄດ້ໃສ່ຮ້າຍປ້າຍສີຈີນເລື້ອຍໆ, ຫັນສະພາບການແຜ່ລະບາດຂອງພະຍາດໂຄວິດ-19 ເປັນບັນຫາການເມືອງແບບຂາດຄວາມຮັບຜິດຊອບ, ອາເມຣິກາຄວນເປີດປະຕູຫ້ອງທົດລອງຊີວະພາບຟອດເດຕຣິກທີ່ມີຈຸດທີ່ໜ້າສົງໄສຫຼາຍຈຸດ ເພື່ອໃຫ້ມີການສຳຫຼວດແລະຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19.
ທ່ານໂລເຣວ ຍັງກ່າວຕື່ມວ່າ: ລັດຖະບານອາເມຣິກາຮຽກຮ້ອງໃຫ້ພາກສ່ວນຂ່າວລັບຂອງຕົນສຳຫຼວດຫາແຫຼ່ງກຳເນີດຂອງເຊື້ອພະຍາດດັ່ງກ່າວ, ມາຮອດປັດຈຸບັນໄດ້ຜ່ານໄປເກືອບສອງເດືອນແລ້ວ, ອາເມຣິກາຍັງສືບຕໍ່ສ້າງຂ່າວປອມກ່ຽວກັບຫ້ອງຄົ້ນຄວ້າເຊື້ອພະຍາດອູຮັ້ນຂອງຈີນ ເຖິງວ່າບໍ່ສາມາດຄົ້ນຫາຫຼັກຖານໄດ້ເລີຍກໍຕາມ. ທີ່ຈິງແລ້ວ, ອາເມຣິກາຄວນໃຊ້ເວລາເພື່ອອະທິບາຍຄຳເວົ້າຂອງທ່ານດາເນວ ແອນດຣູ ຜູ້ຊ່ຽວຊານສັນຊາດອົສຕຣາລີທີ່ເຄີຍເຮັດວຽກຢູ່ຫ້ອງຄົ້ນຄວ້າອູຮັ້ນດັ່ງກ່າວ. ທ່ານແອນດຣູ ເຄີຍກ່າວວ່າ: ຮອດທ້າຍປີ 2019, ໃນຫ້ອງຄົ້ນຄວ້າດັ່ງກ່າວບໍ່ມີພະນັກງານຊາວຈີນຫຼືຊາວຕ່າງປະເທດຜູ້ໃດເລີຍທີ່ຕິດແປດພະຍາດໂຄວິດ-19. ທ່ານໂລເຣວ ກ່າວຕື່ມອີກວ່າ: “ລະຫວ່າງທ່ານແອນດຣູເອງ ກັບພາກສ່ວນຂ່າວລັບອາເມຣິກາ ທີ່ມີຊື່ສຽງເໜົ່າເໝັນໄປທົ່ວໂລກນັ້ນ, ພາກເຮົາກໍສາມາດຄິດໄດ້ຢ່າງງ່າຍໆວ່າແມ່ນໃຜຈະໜ້າເຊື່ອຖືຫຼາຍກວ່າກັນ”.
ຄຳເຫັນ
0