ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ກໍລະກົດນີ້, ພາຍຫຼັງນາງຮີດີລິນ ດິອາສ ນັກກິລາຟີລິບປິນຊີງໄດ້ຫຼຽນຄຳໃນການຍົກນ້ຳໜັກລຸ້ນ 55 ກິໂລເພດຍິງໃນງານກິລາໂອລິມປິກໂຕກຽວແລ້ວ, ຄະນະກຳມະການກິລາຟີລິບຟິນໄດ້ຂຽນຂໍ້ຄວາມລົງທາງທວີເຕີດ້ວຍຄວາມຕື້ນຕັນໃຈວ່າ: ນາງຮີດີລິນ ດິອາສສາມາດຊີງໄດ້ຫຼຽນຄຳຫຼຽນທຳອິດໃຫ້ກັບຟີລິບປີນ ນັບແຕ່ຟີລິບປິນເລີ່ມເຂົ້າຮ່ວມການແຂ່ງຂັນງານກິລາໂອລິມປິກຢູ່ນະຄອນຫຼວງປາຣີປະເທດຝຣັ່ງໃນປີ 1924 ເປັນຕົ້ນມາ, ໄດ້ສິ້ນສຸດປະຫວັດສາດເກືອບຮ້ອຍປີທີ່ຟີລິບປິນບໍ່ສາມາດຊີງໄດ້ຫຼຽນຄຳໃນງານກິລາໂອລິມປິກ.
ນາງຮີດີລິນ ດິອາສເຄີຍເຂົ້າຮ່ວມການແຂ່ງຂັນໃນງານກິລາໂອລິມປິກໃນປີ 2008, ປີ 2012 ແລະ ປີ 2016, ຜົນງານດີສຸດແມ່ນຊີງໄດ້ຫຼຽນເງິນໃນງານກິລາໂອລິມປິກທີ່ດີໂອເດີຈາເນໂຣປີ 2016.
ພາຍຫຼັງຊີງໄດ້ຫຼຽນຄຳແລ້ວ, ມີນັກຂ່າວຟີລິບປິນໄດ້ຍ້ອງນາງຮີດີລິນ ດິອາສ ໃຫ້ເປັນ “ວິລະຊົນແຫ່ງຊາດ”. ນາງກ່າວວ່າ: “ພາຍຫຼັງຂ້ອຍຊີງໄດ້ຫຼຽນເງິນໃນງານກິລາໂອລິມປິກທີ່ດີໂອເດີຈາເນໂຣປີ 2016 ແລ້ວ, ຂ້ອຍມີຄວາມຮູ້ສຶກທີ່ດີຕໍ່ການເປັນດາລາ. ຂ້ອຍບໍ່ຮູ້ວ່າຕົນແມ່ນວິລະຊົນແຫ່ງຊາດຫຼືບໍ່, ແຕ່ຂ້ອຍຫວັງວ່າ: ຫຼຽນຄຳຂອງຂ້ອຍສາມາດເຊີດຊູກຳລັງໃຈໃຫ້ກັບຊາວຟີລິບປິນໝົດທຸກຄົນໃນການຕ້ານກັບການແຜ່ລະບາດຂອງພະຍາດໂຄວິດ-19.”
ຄຳເຫັນ
0