ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານຊີ ມູນີຣີດ ປະທານສະມາຄົມສົ່ງເສີມການພົວພັນກຳປູເຈຍ-ຈີນຂອງກຳປູເຈຍໄດ້ໃຫ້ສຳພາດຕໍ່ນັກຂ່າວວ່າ: ການຄົ້ນຫາແຫຼ່ງກຳເນີດຂອງເຊື້ອພະຍາດແມ່ນບັນຫາວິທະຍາສາດທີ່ຂ້ຽວຂາດທີ່ສຸດ, ຄວນຍຶດໝັ້ນໃນຫຼັກວິທະຍາສາດ, ວິຊາການ ແລະ ພາວະວິໄສຢ່າງສະເໝີຕົ້ນສະເໝີປາຍ, ເດັດດ່ຽວຄັດຄ້ານການຫັນບັນຫາການຄົ້ນຫາແຫຼ່ງກຳເນີດຂອງເຊື້ອພະຍາດເປັນບັນຫາການເມືອງ, ຄວນສະໜັບສະໜູນ ແລະ ເຮັດໃຫ້ວຽກງານຕ້ານກັບການແຜ່ລະບາດຂອງພະຍາດ ແລະ ການຄົ້ນຫາແຫຼ່ງກຳເນີດຂອງເຊື້ອພະຍາດເຄື່ອນໄຫວໄປຕາມທິດທາງທີ່ຖືກຕ້ອງ.
ໂດຍແນໃສ່ແນວຄວາມຄິດຂອງແຜນປະຕິບັດງານໃນການຄົ້ນຫາແຫຼ່ງກຳເນີດຂອງເຊື້ອພະຍາດໄລຍະ 2 ທີ່ກອງເລຂາອົງການອະນາໄມໂລກສະເໜີອອກມາ, ທ່ານຊີ ມູນີຣີດກ່າວວ່າ: “ແຜນດັ່ງກ່າວບໍ່ສອດຄ່ອງກັບຂໍ້ສະຫຼຸບ ແລະ ຂໍ້ສະເໜີທີ່ກ່ຽວຂ້ອງໃນບົດລາຍງານຜົນການຄົ້ນຄວ້າຮ່ວມໃນການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ທີ່ຈີນແລະອົງການອະນາໄມໂລກເຮັດຮ່ວມກັນນັ້ນຢ່າງໜັກໜ່ວງ. ເປັນທີ່ຈະແຈ້ງແລ້ວວ່າ, ນີ້ແມ່ນວິທີລົບກວນໃນທາງການເມືອງວິທີໜຶ່ງ ເຊິ່ງບໍ່ສອດຄ່ອງກັບຫຼັກວິທະຍາສາດແລະການຮ່ວມມືກັນ.”
ຄຳເຫັນ
0