ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ກໍລະກົດນີ້, ງານສຳມະນາເພື່ອສະເຫຼີມສະຫຼອງວັນສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນຄົບຮອບ 30 ປີໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນ.
ຜູ້ຕາງໜ້າສອງຝ່າຍທີ່ເຂົ້າຮ່ວມກອງປະຊຸມເຫັນວ່າ: ນັບແຕ່ຈີນແລະອາຊຽນສ້າງສາຍພົວພັນຄູ່ເຈລະຈາເມື່ອປີ 1991 ເປັນຕົ້ນມາກໍໄດ້ບັນລຸການພັດທະນາແບບກ້າວກະໂດດຂັ້ນ, ໄດ້ກາຍເປັນຄູ່ການຄ້າຂະໜາດໃຫຍ່ທີ່ສຸດ, ມີເນື້ອໃນສົມບູນທີ່ສຸດແລະເປັນຄູ່ຮ່ວມມືຍຸດທະສາດທີ່ມີຊີວິດຊີວາທີ່ສຸດ. ໃນອະນາຄົດ, ສອງຝ່າຍຈະສືບຕໍ່ເພີ່ມທະວີການຮ່ວມມືໃນຂົງເຂດສາທາລະນະສຸກ, ການຮັບມືກັບການປ່ຽນແປງຂອງດິນຟ້າອາກາດ, ບັນຫາສິ່ງແວດລ້ອມ, ການຄຸ້ມຄອງໄພພິບັດແລະຂົງເຂດອື່ນໆ.
ໃນໂອກາດກ່າວປາໄສ, ທ່າລິມຈົກຮຸຍ ເລຂາທິການໃຫຍ່ອາຊຽນໄດ້ຕີລາຄາສູງຕໍ່ການຮ່ວມມືລະຫວ່າງຈີນກັບອາຊຽນໃນໄລຍະ 30 ປີຜ່ານມາ. ທ່ານຊີ້ໃຫ້ເຫັນວ່າ: ຈີນແມ່ນຄູ່ການຄ້າສຳຄັນທີ່ສຸດສຳລັບອາຊຽນທັງເປັນໜຶ່ງໃນປະເທດທີ່ແມ່ນແຫຼ່ງລົງທຶນສຳຄັນທີ່ສຸດສຳລັບອາຊຽນ, ຈີນໄດ້ອອກແຮງສະໜັບສະໜູນປະເທດອາຊຽນຕ້ານກັບການແຜ່ລະບາດຂອງພະຍາດໂຄວິດ-19, ລວມທັງໃຫ້ການຊ່ວຍເຫຼືອວັກຊີນແກ່ປະເທດອາຊຽນແລະອື່ນໆ. ໃນໄລຍະຕໍ່ໜ້າ, ຫວັງວ່າສອງຝ່າຍຈະສາມາດເພີ່ມທະວີການຮ່ວມມືໃນຫຼາຍຂົງເຂດເຊັ່ນ: ການປະດິດສ້າງໃໝ່, ເຕັກນິກ, ເສດຖະກິດດີຈີຕອນ, ການເຊື່ອມຈອດກັນ, ເຄືອຂ່າຍຕົວເມືອງອັດສະລິຍະ, ພະລັງງານທີ່ໃໝ່ແລະຂົງເຂດອື່ນໆ, ເຊິ່ງຈະເຮັດໃຫ້ການຮ່ວມມືລະຫວ່າງສອງຝ່າຍມີຄວາມແໜ້ນແຟ້ນກວ່າເກົ່າ.
ຄຳເຫັນ
0