ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫ້ອງການຖະແຫຼງຂ່າວຂອງລັດຖະບານຈີນໄດ້ໃຫ້ຮູ້ໃນວັນທີ 29 ກໍລະກົດນີ້ວ່າ: ງານວາງສະແດງສິນຄ້າຈີນ-ອາຊຽນຄັ້ງທີ 18 ແລະ ກອງປະຊຸມສຸດຍອດວ່າດ້ວຍການຄ້າແລະການລົງທຶນຈີນ-ອາຊຽນຄັ້ງທີ 18 ຈະຈັດຂຶ້ນຢູ່ນະຄອນໜານໜິງ ເທດສະບານເຂດປົກຄອງຕົນເອງເຜົ່າຈ້ວງກວາງຊີຈີນ ແຕ່ວັນທີ 10 ຫາ 13 ກັນຍາປີນີ້. ຫົວຂໍ້ກອງປະຊຸມປີນີ້ແມ່ນ “ຊົມໃຊ້ໂອກາດໃໝ່ຊ່ອງທາງໃໝ່ທາງບົກ ແລະ ທາງທະເລ, ຮ່ວມກັນສ້າງຄູ່ຮ່ວມຊາຕາກຳຈີນ-ອາຊຽນ”, ສືບຕໍ່ຈັດງານໃນຮູບແບບທາງອອນລາຍ ແລະ ອອຟລາຍ ແລະ ເນັ້ນໃສ່ເອກະລັກພິເສດໃໝ່.
ປີນີ້ແມ່ນປີສ້າງຕັ້ງການພົວພັນຄູ່ເຈລະຈາຈີນ-ອາຊຽນຄົບຮອບ 30 ປີ. 30 ປີມານີ້, ຂະໜາດການຄ້າລະຫວ່າງຈີນແລະອາຊຽນໄດ້ເປີດກວ້າງອອກ 85 ເທົ່າ.
ທ່ານຈ່າງຊ້າວກ່າງ ຮອງປະທານສະມາຄົມສົ່ງເສີມການຄ້າຈີນກ່າວວ່າ: ໃນຈຸດເວລາທີ່ສຳຄັນແບບນີ້, ການຈັດກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ 18 ໃຫ້ດີ, ຈະມີບົດບາດສຳຄັນທີ່ສຸດໃນການຊຸກຍູ້ການເພີ່ມທະວີ ແລະ ຍົກລະດັບການຮ່ວມມືຕົວຈິງຂອງວົງການອຸດສາຫະກຳການຄ້າຈີນແລະອາຊຽນຕື່ມອີກ ທັງຊຸກຍູ້ການສ້າງຄູ່ຮ່ວມຊາຕາກຳຈີນ-ອາຊຽນໃຫ້ແໜ້ນແຟ້ນກວ່າເກົ່າ.
ຄຳເຫັນ
0