ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ກໍລະກົດນີ້, ພິທີເປີດບໍລິການຂົວຂ້າມແມ່ນ້ຳເອສເຕຣລາ-ປານຕາເລໂອນຂອງໂຄງການຂົວທາງທີ່ຈີນໃຫ້ການຊ່ວຍເຫຼືອຟີລິບປິນໄດ້ຈັດຂຶ້ນຢູ່ນະຄອນຫຼວງມານີລາປະເທດຟີລິບປິນ.
ໃນພິທີ,ທ່ານ ໂຣດຣີໂກ ດູເຕີເຕ ປະທານາທິບໍດີຟີລິບປິນໄດ້ກ່າວຂອບໃຈຝ່າຍຈີນທີ່ໄດ້ໃຫ້ການຊ່ວຍເຫຼືອປະເທດຕົນແບບບໍ່ເຫັນແກ່ຕົວ,ແລະເຫັນວ່າໂຄງການດັ່ງກ່າວຈະເປັນການປັບປຸງການພົວພັນໄມຕີຈິດມິດຕະພາບລະຫວ່າງຟີລິບປິນ-ຈີນໃຫ້ດີຂຶ້ນຕື່ມອີກ. ທ່ານ ດູເຕີເຕ ກ່າວວ່າ: ຂົວແຫ່ງດັ່ງກ່າວຈະຊ່ວຍຜ່ອນຄາຍສະພາບແອອັດທາງຄົມມະນາຄົມຢູ່ມານີລາຢ່າງມີປະສິດທິຜົນ,ອຳນວຍຄວາມສະດວກໃຫ້ຜູ້ໂດຍສານແລະການຈໍລະຈອນວັດຖຸສິນຄ້າ,ມີຜົນດີຕໍ່ການຟື້ນຟູເສດຖະກິດຟີລິບປິນຄືນໃໝ່.
ທ່ານ ຫວງຊີ່ຫຼຽນ ເອກອັກຄະລັດຖະທູດຈີນປະຈຳຟີລິບປິນກ່າວວ່າ: ໃນຊຸມປີຜ່ານມາ, ການຮ່ວມມືລະຫວ່າງລັດຖະບານຈີນກັບຟີລິບປິນໄດ້ຮັບໝາກຜົນທີ່ອຸດົມສົມບູນ,ເຊິ່ງກວມເຖິງການຕ້ານກັບພະຍາດໂຄວິດ-19,ການກໍ່ສ້າງພື້ນຖານໂຄງລ່າງ,ຄວາມປອດໄພ,ຊີວິດການເປັນຢູ່ຂອງປະຊາຊົນແລະຂົງເຂດອື່ນໆ.ການເປີດບໍລິການຂອງຂົວແຫ່ງດັ່ງກ່າວເປັນຂີດໝາຍສະແດງໃຫ້ເຫັນວ່າໂຄງການຮ່ວມມືລະຫວ່າງລັດຖະບານຂອງສອງປະເທດຈາກການວາງແຜນກໍ່ສ້າງສູ່ການຈັດຕັ້ງປະຕິບັດຕົວຈິງທີ່ໄດ້ຮັບໝາກຜົນອັນອຸດົມສົມບູນ.
ຄຳເຫັນ
0