ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ປັດຈຸບັນ,ໄທໄດ້ສຳເລັດການສັກວັກຊິນຈຳນວນ 18 ລ້ານຫຼອດແລ້ວ, ວັກຊິນທີ່ຈີນຜະລິດເປັນພາກສ່ວນຕົ້ນຕໍໃນການສັກວັກຊິນໃຫ້ປະຊາຊົນໄທ.” ຫວ່າງກ່ອນນີ້, ໃນເວລາໃຫ້ສຳພາດຕໍ່ຂ່າວສານຊິນຮວາຈີນ, ທ່ານອະນຸທິນ ຊານວີຣະກູນ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງສາທາລະນະສຸກໄທກ່າວວ່າ, ວັກຊິນຈີນໄດ້ເສີມຂະຫຍາຍບົດບາດສຳຄັນໃນການຕ້ານການແຜ່ລະບາດຂອງພະຍາດໂຄວິດ-19 ຢູ່ໄທ.
ອີງຕາມຂໍ້ມູນຈາກສະຖານທູດຈີນປະຈຳໄທ, ນັບແຕ່ວັກຊິນໂຄວິດ-19 ຂອງບໍລິສັດ SINOVAC ຈີນງວດທຳອິດທີ່ໄທຈອງຊື້ນຳຈີນໄດ້ຖືກຂົນສົ່ງໄປຮອດໄທໃນວັນທີ 24 ກຸມພາປີນີ້ເປັນຕົ້ນມາ, ຈີນໄດ້ສົ່ງວັກຊິນທັງໝົດ 19 ງວດໄປຮອດໄທແລ້ວ, ນັບລວມແລ້ວມີ 19 ລ້ານ 5 ແສນຫຼອດ.
ທ່ານອະນຸທິນກ່າວວ່າ, ຫຼາຍປະເທດ ເຊິ່ງລວມທັງປະເທດໄທພວມຜະເຊີນໜ້າກັບສິ່ງທ້າທາຍຈາກໄວຣັດໂຄວິດ-19ເດວຕາທີ່ກາຍພັນ, ນີ້ກໍ່ແມ່ນໄວຣັດໂຄວິດ-19 ຕົ້ນຕໍທີ່ກຳລັງແຜ່ລະບາດຢູ່ໄທ. ການຕ້ານພະຍາດໂຄວິດ-19 ຕ້ອງການການຮ່ວມມືສາກົນ, ປະເທດໄທ ແລະ ປະເທດຈີນຍ່ອມຈະສາມາດສືບຕໍ່ດຳເນີນການຮ່ວມມືທີ່ດີງາມ, ຊ່ວຍເຫຼືອເຊິ່ງກັນແລະກັນ, ເຮັດໃຫ້ການພົວພັນທີ່ມີໄມຕີຈິດມິດຕະພາບສືບທອດກັນຕະຫຼອດໄປ.
ຄຳເຫັນ
0