ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 6 ສິງຫານີ້, ໃນເວລາເຂົ້າຮ່ວມກອງປະຊຸມລັດຖະມົນຕີກະຊວງການຕ່າງປະເທດຂອງເວທີປຶກສາຫາລືພາກພື້ນອາຊຽນຄັ້ງທີ 28, ທ່ານວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວຢ້ຳຫລັກໝັ້ນຂອງຈີນກ່ຽວກັບບັນຫາທະເລຈີນໃຕ້.
ທ່ານວາງຢີ້ກ່າວວ່າ: ສະຖານະການຢູ່ທະເລຈີນໃຕ້ແມ່ນມີສະຖຽນລະພາບໂດຍລວມ, ເສລີພາບດ້ານການເດີນເຮືອ ແລະບິນຜ່ານໄດ້ຮັບການປົກປັກຮັກສາຕາມກົດໝາຍ, ນີ້ແມ່ນໝາກຜົນຂອງຈີນ ແລະປະເທດອາຊຽນທີ່ຮ່ວມກັນທຳຄວາມພະຍາຍາມ, ບໍ່ອະນຸຍາດໃຫ້ຝ່າຍອື່ນໃສ່ຮ້າຍປ້າຍສີ. ຈີນຍິນດີຮ່ວມກັບປະເທດອາຊຽນບົນພື້ນຖານຖະແຫຼງການວ່າດ້ວຍການປະພຶດຂອງບັນດາຝ່າຍໃນທະເລຈີນໃຕ້, ບັນລຸ “ກົດການປະພຶດໃນທະເລຈີນໃຕ້” ຫລື COC ທີ່ບັງເກີດຜົນ, ມີເນື້ອໃນແທ້ຈິງ ທັງສອດຄ່ອງກັບກົດໝາຍສາກົນເຊິ່ງລວມທັງ “ສົນທິສັນຍາອົງການສະຫະປະຊາຊາດວ່າດ້ວຍກົດໝາຍທະເລ”ໂດຍໄວເທົ່າທີ່ຈະໄວໄດ້. ຮ່ວມກັນສ້າງທະເລຈີນໃຕ້ໃຫ້ເປັນທະເລແຫ່ງສັນຕິພາບ ແລະການຮ່ວມມື. ຫລາຍປີມໍ່ໆມານີ້, ການແຊກແຊງຈາກປະເທດພາກພື້ນອື່ນໄດ້ກາຍເປັນໄພຂົ່ມຂູ່ໃຫຍ່ທີ່ສຸດຕໍ່ສັນຕິພາບ ແລະສະຖຽນລະພາບຂອງທະເລຈີນໃຕ້. ການທີ່ນຳໃຊ້ເສລີພາບດ້ານການເດີນເຮືອຕາມລຳພັງນັ້ນເປັນການເກາະຜິດຕໍ່ອະທິປະໄຕ ແລະສິດຄຸ້ມຄອງຂອງປະເທດລຽບທະເລຈີນໃຕ້, ສົມຄວນຖືກປະເທດໃນພາກພື້ນສະກັດກັ້ນ ແລະຄັດຄ້ານ.
ຄຳເຫັນ
0