ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ສິງຫານີ້, ທ່ານນາງຮວ້າຊຸ່ນຢິງ, ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວ ກ່ຽວກັບບັນດາກອງປະຊຸມລັດຖະມົນຕີການຕ່າງປະເທດຂອງການຮ່ວມມືອາຊີຕາເວັນອອກ.
ທ່ານນາງ ຮວ້າຊຸ່ນຢີງກ່າວວ່າ: ພາກພື້ນນີ້ພວມປະເຊີນໜ້າກັບສິ່ງທ້າທາຍຈາກການປະກົດຕົວຄືນໃໝ່ຂອງການເມືອງພູມີພາກ, ຈະກະທົບເຖິງສັນຕິພາບ ສະຖຽນລະພາບ ແລະອະນາຄົດແຫ່ງການພັດທະນາຂອງພາກພື້ນ. ທ່ານວາງຢີ້, ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນຊີ້ອອກວ່າ, ບາງປະເທດໃຫຍ່ນອກພາກພື້ນມີເຈດຕະນາຢາກປະຕິບັດຍຸດທະສາດພາກພື້ນໃໝ່, ຍຸຍົງສົ່ງເສີມໃຫ້ເປັນປໍລະປັກກັນລະຫວ່າງກຸ່ມກຳລັງຕ່າງໆ, ທ່າອ່ຽງແບບນີ້ອັນຕະລາຍຫຼາຍ, ຄວນມີຄວາມລະມັດລະວັງແລະສະກັດກັ້ນໄວ້. ໂຄງປະກອບການຮ່ວມມືໃນພາກພື້ນທີ່ຖືອາຊຽນເປັນໃຈກາງ, ແມ່ນຜຶດຕິກຳທີ່ເປັນປະໂຫຍດຕໍ່ການຮັກສາໃຫ້ພາກພື້ນນີ້ມີຄວາມໝັ້ນຄົງໂດຍລວມ, ຝ່າຍຕ່າງໆຄວນທະນຸຖະໜອມແລະເສີມຂະຫຍາຍອີກ. ຄວນປັບປຸງຖານະໃຈກາງຂອງອາຊຽນໃນການຮ່ວມມືພາກພື້ນ, ຮັກສາທິດທາງທີ່ຖືກຕ້ອງແລະປອດໃສຂອງການຮ່ວມມືອາຊີອາເວັນອອກ. ຝ່າຍຈີນບໍ່ເຫັນດີ, ບໍ່ເຂົ້າຮ່ວມກົນໄກຮ່ວມມືໃດໆທີ່ຈະທຳລາຍຖານະໃຈກາງຂອງອາຊຽນ.
ທ່ານນາງຮວ້າຊຸ່ນຢີງຍັງກ່າວຕື່ມວ່າ, ລັດຖະມົນຕີການຕ່າງປະເທດຫຼາຍທ່ານທີ່ຮ່ວມປະຊຸມໄດ້ເຫັນດີນຳຄວາມເຫັນຂອງຝ່າຍຈີນ ໂດຍກ່າວເນັ້ນວ່າ: ຄວນຍຶດໝັ້ນລັດທິຫຼາຍຝ່າຍ, ຍຶດໝັ້ນຖານະໃຈກາງຂອງອາຊຽນ, ບໍ່ຄວນກໍ່ການເປັນປໍລະປັກກັນດ້ານພູມີພາກແລະການແບ່ງແຍກກັນ, ບໍ່ຫວັງໃຫ້ປະເທດໃນພາກພື້ນນີ້ຖືກບັງຄັບໃຫ້ເລືອກຝ່າຍ, ບໍ່ຫວັງໃຫ້ພາກພື້ນນີ້ກາຍເປັນສະໜາມໂຕ້ແຍ້ງກັນຂອງປະເທດໃຫຍ່.
ຄຳເຫັນ
0