ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ສິງຫານີ້, ທ່ານ ອິສໄມ ຊາບຣີ ຢາໂຄບ ນາຍົກລັດຖະມົນຕີມາເລເຊຍທີ່ຫາກໍ່ດຳລົງຕຳແໜ່ງຊຸດໃໝ່ໄດ້ກ່າວຄຳປາໄສຜ່ານການຖ່າຍທອດສົດທາງໂທລະພາບເປັນຄັ້ງທຳອິດໂດຍກ່າວວ່າຈະສືບຕໍ່ຮັກສາແລະປັບປຸງນະໂຍບາຍກ່ຽວກັບການຕ້ານກັບພະຍາດໂຄວິດ-19 ຂອງລັດຖະບານເປີດານາ ເມນເຕຣີຊຸດຜ່ານມາ,ພ້ອມທັງເຊື້ອເຊີນພັກຝ່າຍຄ້ານໃຫ້ຮ່ວມມືກັນໃນການຕ້ານກັບພະຍາດໂຄວິດ-19.
ທ່ານ ອິສໄມ ຊາບຣີ ຢາໂຄບ ກ່າວເນັ້ນວ່າ: ພາຍໃຕ້ຄວາມພະຍາຍາມຂອງລັດຖະບານເປີດານາ ເມນເຕຣີ, ອັດຕາການສັກວັກຊີນໂຄວິດ-19 ຂອງປະຊາຊົນມາເລເຊຍໄດ້ຮັບການຍົກສູງຂຶ້ນຢ່າງວ່ອງໄວ; ລັດຖະບານຊຸດໃໝ່ກໍຈະສືບຕໍ່ເລັ່ງການສັກວັກຊີນໂຄວິດ-19 ເພື່ອໃຫ້ມາເລເຊຍເຂົ້າສູ່ໄລຍະໃໝ່ຂອງແຜນການຟື້ນຟູຂອງຊາດ. ທ່ານ ອິສໄມ ຊາບຣີ ຢາໂຄບ ຍັງໄດ້ຮຽກຮ້ອງໃຫ້ປະຊາຊົນແລະລັດຖະບານສາມັກຄີກັນແລະເຊື້ອເຊີນພັກຝ່າຍຄ້ານເຂົ້າຮ່ວມໃນສະພາມົນຕີເພື່ອຟື້ນຟູຊາດແລະຄະນະກຳມະການຕ້ານກັບພະຍາດໂຄວິດ-19 ທີ່ສ້າງຕັ້ງຂຶ້ນໃນເມື່ອກ່ອນ,ເພື່ອຮ່ວມມືກັນຕ້ານກັບພະຍາດໂຄວິດ-19 ແບບຂ້າມພັກ.
ໃນສອງມື້ຜ່ານມາ, ທ່ານ ເປີດານາ ເມນເຕຣີ ອະດີດນາຍົກລັດຖະມົນຕີມາເລເຊຍໄດ້ສະແດງການສະໜັບສະໜູນທ່ານ ອິສໄມ ຊາບຣີ ຢາໂຄບຫຼາຍເທື່ອ,ພ້ອມທັງກ່າວວ່າຈະສືບຕໍ່ສະໜັບສະໜູນແລະຊ່ວຍເຫຼືອ “ລັດຖະບານຂອງທ່ານ”ໃນການບໍລິຫານຕໍ່ໄປ.
ຄຳເຫັນ
0