ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ກໍລະກົດຜ່ານມາ, ເກາະຈາວາແລະເກາະບາຫຼີຂອງອິນໂດເນເຊຍໄດ້ເລີ່ມປະຕິບັດມາດຕະການສຸກເສີນເພື່ອຈຳກັດການເຄື່ອນໄຫວທົ່ວໄປ, ວັນທີ 23 ສິງຫານີ້ແມ່ນວັນສິ້ນສຸດການປະຕິບັດມາດຕະການດັ່ງກ່າວ, ປັດຈຸບັນການແຜ່ລະບາດຂອງພະຍາດໂຄວິດ-19 ຢູ່ທ້ອງຖິ່ນໄດ້ມີສະພາບດີຂຶ້ນແລ້ວ.
ວັນທີ 23 ສິງຫານີ້, ທ່ານ ໂຈໂຄ ວິໂດໂດ ປະທານາທິບໍດີອິນໂດເນເຊຍໄດ້ປະກາດວ່າ: ເລີ່ມແຕ່ວັນທີ 24 ຫາ 30 ສິງຫານີ້, ຈະຫຼຸດລະດັບຄວາມສ່ຽງຂອງການແຜ່ລະບາດຂອງພະຍາດໂຄວິດ-19 ຢູ່ບາງເຂດຂອງປະເທດຕົນຈາກຊັ້ນ 4 ລົງເປັນຊັ້ນ 3. ໃນນັ້ນລວມທັງນະຄອນຫຼວງຈາກາຕາ, ບັນດຸງ,ສຸຣາບາຢາແລະເຂດອື່ນໆ. ນອກນີ້, ທ່ານ ໂຈໂຄ ວິໂດໂດຍັງໄດ້ຮຽກຮ້ອງໃຫ້ບັນດາຝ່າຍຄວນສືບຕໍ່ມີສະຕິລະວັງຕົວ.
ໃນມື້ດຽວກັນ, ສະມາຄົມໂຮງແຮມແລະຮ້ານກິນດື່ມອິນໂດເນເຊຍກໍ່ໄດ້ຮຽກຮ້ອງໃຫ້ລັດຖະບານບໍ່ຄວນແກ່ຍາວເວລາການປະຕິບັດມາດຕະການສຸກເສີນເພື່ອຈຳກັດການເຄື່ອນໄຫວຢູ່ເຂດຊຸມຊົນອີກ,ພ້ອມທັງອະນຸມັດໃຫ້ຕະຫຼາດທ່ອງທ່ຽວຈຳນວນໜຶ່ງສາມາດເປີດຄືນໄດ້ຢ່າງເໝາະສົມ. ຂ່າວແຈ້ງວ່າ: ລັດຖະບານອິນໂດເນເຊຍກໍພວມຄົ້ນຄວ້າກ່ຽວກັບການຈະເປີດແຫຼ່ງທ່ອງທ່ຽວຢູ່ບາງເຂດຢ່າງມີເງື່ອນໄຂຫຼືບໍ່ເພື່ອສະໜອງໂອກາດດ້ານການເຮັດທຸລະກິດໃຫ້ແກ່ຂະແໜງການທ່ອງທ່ຽວ.
ຄຳເຫັນ
0