ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ສິງຫານີ້, ທ່ານ ໂຣດຣີໂກ ດູເຕີເຕ ປະທານາທິບໍດີຟີລິບປິນປະກາດວ່າ: ຕົນຈະເຂົ້າຮ່ວມການແຂ່ງຂັນເລືອກຕັ້ງຮອງປະທານາທິບໍດີໃນການເລືອກຕັ້ງທົ່ວໄປແລະລະດັບທ້ອງຖິ່ນທີ່ຈະຈັດຂຶ້ນໃນປີໜ້າ.
ວັນທີ 24 ສິງຫານີ້, ພັກພະລັງປະຊາຊົນເພື່ອປະຊາທິປະໄຕທີ່ເປັນພັກກຳອຳນາດຂອງຟີລິບປິນໄດ້ປະກາດວ່າ: ທ່ານ ໂຣດຣີໂກ ດູເຕີເຕ ປະທານພັກຕົນໄດ້ເຫັນດີຈະຕາງໜ້າໃຫ້ພັກເຂົ້າຮ່ວມການແຂ່ງຂັນເລືອກຕັ້ງຮອງປະທານາທິບໍດີຊຸດໃໝ່. ທ່ານ ໂປຣສເປໂຣ ໂນກຣາລິສ ຮອງຫົວໜ້າຄະນະບໍລິຫານງານຂອງພັກດັ່ງກ່າວທັງເປັນຫົວໜ້າຂອງເລຂາຂອງຄະນະລັດຖະບານຟີລິບປິນໄດ້ກ່າວໃນຖະແຫຼງການສະບັບໜຶ່ງວ່າ: ສະມາຊິກພັກມີຈຳນວນບໍ່ໜ້ອຍໄດ້ສະໜັບສະໜູນໃຫ້ທ່ານ ໂຣດຣີໂກ ດູເຕີເຕ ເຂົ້າຮ່ວມການແຂ່ງຂັນເລືອກຕັ້ງຮອງປະທານາທິບໍດີຊຸດໃໝ່,ເພື່ອຮັບປະກັນໃຫ້ນະໂຍບາຍແລະໂຄງການຈຳນວນໜຶ່ງຂອງລັດຖະບານຊຸດປັດຈຸບັນສາມາດສືບຕໍ່ຈັດຕັ້ງປະຕິບັດໄດ້ຢ່າງຕໍ່ເນື່ອງຫຼັງຈາກມອບຮັບອຳນາດການປົກຄອງ.
ທ່ານ ໂຣດຣີໂກ ດູເຕີເຕ ປີນີ້ອາຍຸ 76 ປີ, ທ່ານຊະນະການເລືອກຕັ້ງທົ່ວໄປປີ 2016 ແລະໄດ້ດຳລົງຕຳແໜ່ງເປັນປະທານາທິບໍດີ. ອີງຕາມລັດຖະທຳມະນູນໃນປັດຈຸບັນຂອງຟີລິບປິນ, ອາຍຸການປະຕິບັດໜ້າທີ່ຂອງປະທານາທິບໍດີແມ່ນ 6 ປີ, ບໍ່ອະນຸຍາດໃຫ້ດຳລົງຕຳແໜ່ງໃນສະໄໝຖັດໄປ. ຟີລິບປິນໄດ້ຕົກລົງຈະຈັດການເລືອກຕັ້ງທົ່ວໄປແລະລະດັບທ້ອງຖິ່ນໃນເດືອນພຶດສະພາປີໜ້າ.
ຄຳເຫັນ
0