ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານ ວີນສັນ ລີ ຟໍລາຣສ ນັກຂຽນຄໍລຳສະເພາະຂອງໜັງສືພິມເດີສຕາຟີລິບປິນໄດ້ກ່າວໃນເວລາໃຫ້ສຳພາດຕໍ່ນັກຂ່າວວ່າ: ໃນຂະບວນການຕ້ານກັບພະຍາດໂຄວິດ-19, ລັດຖະບານຈີນໄດ້ປະສານສົມທົບການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ກັບການພັດທະນາເສດຖະກິດ, ທັງໄດ້ເອົາໃຈໃສ່ຟື້ນຟູເສດຖະກິດຂອງຕົນແລະຊຸກຍູ້ການຟື້ນຟູເສດຖະກິດຂອງພາກພື້ນ,ນີ້ໄດ້ເປັນແບບຢ່າງໃຫ້ກັບໂລກໃນຄວາມສາມາດຫຼຸດພົ້ນອອກຈາກຜົນກະທົບຈາກການແຜ່ລະບາດຂອງພະຍາດໂຄວິດ-19.
ທ່ານ ວີນສັນ ລີ ຟໍລາຣສ ເຫັນວ່າ: ຈີນມີປະຊາກອນຫຼາຍແລະມີສະພາບແຫ່ງຊາດທີ່ສັບສົນ,ແຕ່ໄດຍຶດໝັ້ນການຕ້ານກັບພະຍາດໂຄວິດ-19 ຢ່າງມີວິທະຍາສາດແລະໄດ້ໃຊ້ນະໂຍບາຍຢ່າງຖືກຕ້ອງແລະແມ່ນຢຳ,ບໍ່ພຽງແຕ່ສາມາດຄວບຄຸມການແຜ່ລະບາດຂອງພະຍາດໂຄວິດ-19 ໄດ້ຢ່າງມີປະສິດທິຜົນເທົ່ານັ້ນ, ຍັງໄດ້ຊຸກຍູ້ການຟື້ນຟູເສດຖະກິດຢ່າງວ່ອງໄວແລະຮັບປະກັນຊີວິດການເປັນຢູ່ຂອງປະຊາຊົນບໍ່ໃຫ້ໄດ້ຮັບຜົນກະທົບ.
ທ່ານ ວີນສັນ ລີ ຟໍລາຣສ ເຫັນວ່າ: ມາດຕະການໃນການຕ້ານກັບພະຍາດໂຄວິດ-19 ຂອງບັນດາປະເທດມີຄວາມແຕກຕ່າງກັນ, ຈີນໄດ້ເລືອກວິທີການທີ່ຖືກຕ້ອງຢ່າງຊັດເຈນ, ເສດຖະກິດຈີນສາມາດຮັກສາຄວາມມີຊີວິດຊີວາພາຍໃຕ້ສະພາບການແຜ່ລະບາດຂອງພະຍາດໂຄວິດ-19 ເຊິ່ງເປັນການສະໜັບສະໜູນແລະເປັນພະລັງແຮງທີ່ເຂັ້ມແຂງໃຫ້ກັບການຟື້ນຟູເສດຖະກິດຂອງພາກພື້ນອາຊີປາຊີຟິກ.
ຄຳເຫັນ
0