ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 31 ສິງຫານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານເຖິງສົມເດັດລາຊາທິບໍດີອັບດຸນລາ ປະມຸກລັກສູງສຸດຂອງມາເລເຊຍ, ເພື່ອອວຍພອນເນື່ອງໃຈໂອກາດວັນຊາດມາເລເຊຍຄົບຮອບ 64 ປີ.
ໃນສານອວຍພອນຂອງທ່ານສີຈິ້ນຜິງໄດ້ລະບຸວ່າ: ນັບແຕ່ປະເທດມາເລເຊຍໄດ້ຮັບເອກະລາດເປັນເວລາ 64 ປີມານີ້, ມາເລເຊຍໄດ້ຮັບຜົນສຳເລັດຢ່າງພົ້ນເດັ່ນໃນການສ້າງສາປະເທດ, ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນ, ປະເທດມາເລເຊຍໄດ້ເສີມຂະຫຍາຍບົດບາດທີ່ນັບມື້ນັບສຳຄັນໃນວຽກງານສາກົນ ແລະພາກພື້ນ. ຈີນ ແລະ ມາເລເຊຍແມ່ນປະເທດບ້ານໃກ້ເຮືອນຄຽງທີ່ດີ, ສອງປະເທດໄດ້ຮ່ວມມືກັນຕ້ານກັບພະຍາດໂຄວິດ-19, ຮ່ວມກັນສະແຫວງຫາການພັດທະນາ, ໄດ້ປະກອບສ່ວນອັນຕັ້ງໜ້າເຂົ້າໃນການສ້າງຄວາມຈະເລີນຮຸ່ງເຮືອງ ແລະ ສະຖຽນລະພາບຂອງພາກພື້ນ. ຂ້າພະເຈົ້າໃຫ້ຄວາມສຳຄັນຢ່າງສູງຕໍ່ການຂະຫຍາຍສາຍພົວພັນຈີນ-ມຍາເລເຊຍ, ຍິນດີຮ່ວມກັບສົມເດັດລາຊາທິບໍດີອັບດຸນລາສຸມຄວາມພະຍາຍາມ, ລົງເລິການຮ່ວມມືຕ້ານກັບພະຍາດລະຫວ່າງສອງປະເທດ, ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງ, ຊີ້ນຳນຳພາການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ ແລະມາເລເຊຍໃຫ້ຂຶ້ນສູ່ລະດັບສູງກວ່າເກົ່າ, ນຳເອົາຜົນປະໂຫຍດອັນໃຫຍ່ຫຼວງກວ່າເກົ່າມາໃຫ້ສອງປະເທດ ແລະ ປະຊາຊົນສອງຊາດ.
ຄຳເຫັນ
0