ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ທ່ານກູ້ຊິງຢາງ ຮອງສາສະດາຈານຂອງວິທະຍາໄລນະໂຍບາຍສາທາລະນະລີກວນຢິວມະຫາວິທະຍາໄລແຫ່ງຊາດສິງກະໂປໄດ້ໃຫ້ສຳພາດຕໍ່ສື່ມວນຊົນວ່າ: ຈີນໄດ້ກຳກັບກົດເກນການພັດທະນາຂອງສະພາບການແຜ່ລະບາດຂອງພະຍາດໂຄວິດ-19, ໄດ້ສະແດງໃຫ້ເຫັນເຖິງລັກສະນະລ້ຳໜ້າໃນດ້ານຍຸດທະສາດແລະຄວາມສາມາດອັນເຂັ້ມແຂງໃນການປຸກລະດົມປະຊາຊົນ ເຊິ່ງສາມາດປະສົບຜົນສຳເລັດໃນການຄວບຄຸມພະຍາດທັງຟື້ນຟູການພັດທະນາເສດຖະກິດ. ພຶດຕິກຳຕົວຈິງຂອງຈີນສະແດງໃຫ້ເຫັນວ່າ: ມີພຽງແຕ່ສຸມທຸກຄວາມພະຍາຍາມເຂົ້າໃນການຄວບຄຸມການແຜ່ລະບາດຂອງພະຍາດໃຫ້ດີເທົ່ານັ້ນ, ຈິ່ງຈະສາມາດແກ້ໄຂການພົວພັນລະຫວ່າງ “ການຊ່ວຍຊີວິດຄົນເຈັບ”ກັບ”ການກູ້ຕະຫຼາດ”, ນີ້ໄດ້ສະໜອງບົດຮຽນທີ່ດີໃຫ້ແກ່ທົ່ວໂລກເພື່ອຮັບມືກັບວິກິດສາທາລະນະສຸກ ແລະການຊຸດໂຊມດ້ານເສດຖະກິດໄປຄຽງຄູ່ກັນ.
ເມື່ອທຽບໃສ່ປະເທດຈີນແລ້ວ, ບາງປະເທດຕາເວັນຕົກບໍ່ໄດ້ສຸມຄວາມພະຍາຍາມຈົນສຸດຂີດໃນການສະກັດກັ້ນການແຜ່ລະບາດຂອງພະຍາດ, ນີ້ອາດຈະພາໃຫ້ເກີດການແຜ່ລະບາດຮອບໃໝ່ແລະແຜ່ລະບາດໃນໄລຍະຍາວ, ຈົນກາຍເປັນອຸປະສັກຂີດຂວາງການຟື້ນຟູເສດຖະກິດ.
ທ່ານກູ້ຊິງຢາງກ່າວຕື່ມວ່າ: ເຖິງວ່າໄດ້ຮັບຜົນກະທົບຈາກພະຍາດໂຄວິດ-19 ກໍຕາມ, ແຕ່ຈີນຍັງໄດ້ຕັ້ງໜ້າຊຸກຍູ້ການພັດທະນາແລະການປະຕິຮູບພາຍໃນປະເທດ, ຍັງໄດ້ຈັດກອງປະຊຸມແລະງານວາງສະແດງລະດັບສາກົນຫຼາຍຄັ້ງ ເພື່ອຮ່ວມກັບບັນດາປະເທດໃນໂລກຊົມໃຊ້ໂອກາດຕະຫຼາດນຳກັນ. ທ່ານເຫັນວ່າ: ນະໂຍບາຍແລະມາດຕະການຕ່າງໆຂອງຈີນໃນການເປີດກວ້າງການເປີດຕູສູ່ພາຍນອກ ໄດ້ເປັນຂີດໝາຍສະແດງໃຫ້ເຫັນວ່າຈີນກຳລັງຊຸກຍູ້ການເປີດປະຕູສູ່ພາຍນອກໃນດ້ານຈໍລະຈອນຂອງສິນຄ້າແລະປັດໄຈສຳຄັນຕ່າງໆ ໃຫ້ຫັນປ່ຽນໄປສູ່ການເປີດປະຕູສູ່ພາຍນອກໃນດ້ານລະບຽບການ ເຊິ່ງໄດ້ອຳນວຍກາລະໂອກາດອັນສຳຄັນໃຫ້ແກ່ບັນດາປະເທດໃນໂລກຮ່ວມກັນຊົມໃຊ້ຜົນປະໂຫຍດດ້ານການພັດທະນາເສດຖະກິດຈີນ.
ຄຳເຫັນ
0