ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ກັນຍານີ້, ທ່ານ ວ່າງເວີນປິ່ນ ໂຄສົກກະຊວງການຕ່າງປະເທດຈີນ ໄດ້ກ່າວໃນກອງປະຊຸມຖະແຫຼງຂ່າວວ່າ: ຈີນຫວັງວ່າ ອົງການພະລັງງານປະລະມານູສາກົນ ຈະສາມາດຮັບຟັງຄວາມເຫັນຂອງຝ່າຍທີ່ກ່ຽວຂ້ອງກັບຜົນປະໂຫຍດຢ່າງເຕັມທີ່ ເພື່ອຮັບປະກັນຄວາມປອດໄພເດັດຖານໃນການຊຳລະແກ້ໄຂນ້ຳປົນເປື້ອນລັງສີຈາກໂຮງງານໄຟຟ້ານິວເຄລຍຟຸຄຸຊິມະປະເທດຍີ່ປຸ່ນ.
ຂ່າວແຈ້ງວ່າ: ໃນອາທິດນີ້, ທ່ານ ເລດີ ເອຟຣາດ ຮອງຜູ້ອຳນວຍການໃຫຍ່ອົງການພະລັງງານປະລະມານູສາກົນ ຈະນຳພາຄະນະເດີນທາງໄປຍີ່ປຸ່ນ ເພື່ອປຶກສາຫາລືກັບຄະນະກຳມະການວາງແຜນດ້ານພະລັງງານປະລະມານູ, ກະຊວງເສດຖະກິດ ແລະ ກະຊວງການຕ່າງປະເທດຂອງຍີ່ປຸ່ນ ກ່ຽວກັບບັນຫາຊຳລະແກ້ໄຂນ້ຳປົນເປື້ອນລັງສີຈາກໂຮງໄຟຟ້ານິວເຄລຍຟຸຄຸຊິມາ, ທັງຈະໄປທັດສະນະສຶກສາໂຮງງານໄຟຟ້ານິວເຄລຍເລກໜຶ່ງຟຸຄຸຊີມະ.
ທ່ານ ວ່າງເວີນປິ່ນ ກ່າວເນັ້ນໜັກວ່າ: ປັດຈຸບັນ, ໂດຍບໍ່ເອົາຫົວຊານຳຄວາມກັງວົນຂອງປະຊາຄົມໂລກ, ລັດຖະບານຍີ່ປຸ່ນຍັງຊູຊີທີ່ຈະຊຸກຍູ້ວຽກງານກະກຽມການປ່ອຍນ້ຳປົນເປື້ອນລັງສີນິວເຄລຍລົງສູ່ທະເລ. ຈີນຫວັງວ່າຍີ່ປຸ່ນຈະຍົກເລີກຂໍ້ຕົກລົງທີ່ຜິດພາດທັນທີ, ບໍ່ເລີ່ມດຳເນີນວຽກງານປ່ອຍນ້ຳປົນເປື້ອນລັງສີນິວເຄລຍລົງສູ່ທະເລຕາມລຳພັງໃຈ ກ່ອນມີການປຶກສາຫາລືຢ່າງເຕັມທີ່ ທັງໄດ້ບັນລຸຄວາມເຫັນທີ່ເປັນເອກະພາບກັນກັບຝ່າຍທີ່ກ່ຽວຂ້ອງກັບຜົນປະໂຫຍດ ແລະອົງການຈັດຕັ້ງສາກົນທີ່ກ່ຽວຂ້ອງ.
ຄຳເຫັນ
0