ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານມະຫາກຳກິລາແຫ່ງຊາດຈີນຄັ້ງທີ14ຈະຈັດຂຶ້ນຢູ່ແຂວງສານຊີ່ທາງພາກຕາເວັນຕົກສຽງເໜືອຂອງປະເທດຈີນແຕ່ວັນທີ15ຫາວັນທີ27ກັນຍານີ້. ງານກິລາຄັ້ງນີ້ເປັນງານມະໂຫລານດ້ານກິລາທີ່ມີລັກສະນະສັງລວມແລະມີຂະໜາດໃຫຍ່ກວ່າໝູ່ຂອງຈີນ ທັງແມ່ນການຈັດງານກິລາກ່ອນງານກິລາໂອລິມປິກລະດູໜາວປັກກິ່ງ ແລະຈັດຂຶ້ນໃນສະພາບການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19ຕາມປົກກະຕິ, ທັງເປັນງານກິລາລະດັບສູງສຸດຂອງຈີນ.
ງານກິລາແຫ່ງຊາດຈີນຄັ້ງນີ້ປະກອບດ້ວຍກິລາ35ປະເພດ 409ລາຍການ. ການຈັດງານແມ່ນຢູ່ໃນສະພາບການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19ຕາມປົກກະຕິ,ປັດຈຸບັນ ວຽກງານກະກຽມສຳລັບງານກິລາຄັ້ງນີ້ໄດ້ສຳເລັດໝົດ ທຸກຢ່າງແລ້ວ. ໃນເວລາສຳຫຼວດກວດກາວຽກງານກະກຽມຈັດງານກິລາແຫ່ງຊາດຢູ່ນະຄອນຊີ່ອ່ານແຂວງສານຊີ່ແຕ່ວັນທີ6-7ກັນຍານີ້ ທ່ານນາງຊຸ່ນຊູ່ນລານ ຮອງນາຍົກລັດຖະມົນຕີຈີນໄດ້ກ່າວເນັ້ນໜັກວ່າ: ຕ້ອງປະຕິບັດງານຕາມຄວາມຮຽກຮ້ອງໃຫ້ຈັດງານກິລາແບບກະທັດຮັດ,ປອດໄພແລະໜ້າຊົມ, ປະຕິບັດວຽກງານກະກຽມໄລຍະສຸດທ້າຍໃຫ້ໄດ້ດີຢ່າງແທ້ຈິງ,ຮັບປະກັນໃຫ້ການຈັດງານມະໂຫລານດ້ານກິລາທີ່ໜ້າຊົມແລະປະສົບຜົນສຳເລັດຢ່າງເຕັມເມັດເຕັມໜ່ວຍຄັ້ງໜຶ່ງ.
ຄຳເຫັນ
0