ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ກັນຍານີ້, ທ່ານດູວາ ລາຊີ ລາ ຮັກສາການປະທານາທິບໍດີຂອງລັດຖະບານສາມັກຄີຊົນເຜົ່າແຫ່ງຊາດມຽນມາ ຫຼື NUG ໄດ້ກ່າວຄຳປາໄສໃນຮູບແບບວິທີໂອຜ່ານສື່ສັງຄົມອອນລາຍ ແລະ ປະກາດເຮັດ “ສົງຄາມປົກປ້ອງປະຊາຊົນ” ທີ່ແນໃສ່ຕໍ່ຕ້ານລັດຖະບານການທະຫານ, ທົ່ວປະເທດມຽນມາໄດ້ເຂົ້າສູ່ສະພາບສຸກເສີນ. ຫຼັງຈາກນັ້ນ, ລັດຖະບານການທະຫານມຽນມາກໍກ່າວປະນາມຢ່າງເປີດເຜີຍວ່າລັດຖະບານ NUG ມີກົນອຸບາຍກໍ່ການໂຈມຕີແບບກໍ່ການຮ້າຍ ເພື່ອທຳລາຍຄວາມໝັ້ນຄົງທາງສັງຄົມ.
ຕໍ່ເລື່ອງນີ້, ໃນກອງປະຊຸມຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນວັນທີ 8 ກັນຍານີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນກ່າວວ່າ, ຈີນມີຫຼັກໝັ້ນມາໂດຍຕະຫຼອດ ແລະ ແນ່ນອນຕໍ່ສະຖານະການມຽນມາ. ໃນຖານະທີ່ເປັນປະເທດໃກ້ຄຽງທີ່ມີໄມຕີຈິດມິດຕະພາບກັບມຽນມາ, ຈີນມີຄວາມປາຖະໜາມາໂດຍຕະຫຼອດໃຫ້ພັກຕ່າງໆ ແລະ ຝ່າຍຕ່າງໆຂອງມຽນມາຖືຜົນປະໂຫຍດຂອງຊາດ ແລະ ປະຊາຊົນໃນໄລຍະຍາວເປັນພື້ນຖານ, ພາຍໃຕ້ຂອບຂອງລັດຖະທຳມະນູນ ແລະ ກົດໝາຍ, ຊອກໃຫ້ເຫັນວິທີແກ້ໄຂບັນຫາຢ່າງເໝາະສົມດ້ວຍການສົນທະນາກັນທາງການເມືອງ, ຟື້ນຟູຄວາມມີສະຖຽນລະພາບທາງສັງຄົມຂອງຊາດໂດຍໄວ ແລະ ເລີ່ມຊຸກຍູ້ຂະບວນການປະຊາທິປະໄຕແຫ່ງຊາດຄືນໃໝ່.
ຄຳເຫັນ
0