ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄໍ່າວັນທີ 9 ກັນຍານີ້, ທ່ານສີຈິ້ນຜິງປະທານປະເທດຈີນໄດ້ເຂົ້າຮ່ວມກອງປະຊຸມພົບປະຜູ້ນຳປະເທດບຣິກສຄັ້ງທີ 13 ຜ່ານທາງວີດີໂອ.
ທ່ານສີຈິ້ນຜິງກ່າວວ່າ: ປີນີ້ແມ່ນປີທີ່ປະເທດບຣິກສຮ່ວມມືກັນຄົບຮອບ 15 ປີ. ໃນໄລຍະ15 ປີຜ່ານມາ, 5 ປະເທດບຣິກສໄດ້ຍຶດໝັ້ນໃນການເປີດປະຕູສູ່ພາຍນອກ, ກວມລວມ, ປະຕິບັດຕໍ່ກັນດ້ວຍຄວາມສະເໝີພາບ, ເພີ່ມທະວີການແລກປ່ຽນດ້ານຍຸດທະສາດ ແລະ ມີຄວາມໄວ້ເນື້ອເຊື່ອໃຈກັນໃນທາງການເມືອງ, ເຄົາລົບລະບອບສັງຄົມ ແລະ ເສັ້ນທາງການພັດທະນາຂອງກັນແລະກັນ, ຄົ້ນຄວ້າຫຼັກການທີ່ຖືກຕ້ອງສຳລັບການຢູ່ຮ່ວມກັນລະຫວ່າງປະເທດຕ່າງໆຢ່າງບໍ່ຢຸດຢັ້ງ; ຍຶດໝັ້ນໃນການປະດິດສ້າງໃໝ່ທີ່ຕິດແທດກັບຄວາມເປັນຈິງ, ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ, ເຊື່ອມຈອດນະໂຍບາຍການພັດທະນາລະຫວ່າງກັນ, ເສີມຂະຫຍາຍທ່າແຮງແບບຊ່ວຍຊູຍູ້ໜູນກັນ, ຊຸກຍູ້ການຮ່ວມມືຕົວຈິງໃນຂົງເຂດຕ່າງໆຢ່າງໜັກແໜ້ນ, ບຸກບືນສູ້ຊົນກ້າວເດີນໄປໜ້າບົນເສັ້ນທາງການພັດທະນາຮ່ວມກັນ; ຍຶດໝັ້ນໃນຫຼັກການຄວາມຍຸດຕິທຳແລະຄວາມເປັນທຳ, ໃນຂະນະທີ່ຕົນເອງປະສົບຜົນສຳເລັດ ຍັງຊ່ວຍຜູ້ອື່ນໃຫ້ປະສົບຜົນສຳເລັດໄປພ້ອມກັນ, ສະໜັບສະໜູນລັດທິຫຼາຍຝ່າຍ, ເຂົ້າຮ່ວມການຄຸ້ມຄອງໂລກ, ກາຍເປັນກຳລັງສຳຄັນທີ່ບໍ່ສາມາດເບິ່ງຂ້າມໄດ້ໃນເວທີສາກົນ. ຄວາມຈິງໄດ້ພິສູດໃຫ້ເຫັນວ່າ: ບໍ່ວ່າຈະພົບກັບຄວາມຫຍຸ້ງຍາກອັນໃດກໍຕາມ, ຂໍແຕ່ພວກເຮົາຮ່ວມແຮງຮ່ວມໃຈກັນ, ການຮ່ວມມືລະຫວ່າງປະເທດບຣິກສກໍຈະສາມາດກ້າວເດີນໄປໜ້າໄດ້ຢ່າງໜັກແໜ້ນ.
ຄຳເຫັນ
0