ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ກັນຍານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວວ່າ, ຈີນບໍ່ໄດ້ເຂົ້າຮ່ວມກອງປະຊຸມ ລະດັບລັດຖະມົນຕີກ່ຽວກັບບັນຫາອັຟການີສະຖານຜ່ານທາງວິດີໂອທີ່ອາເມຣິກາ ແລະ ເຢຍລະມັນເປັນເຈົ້າພາບ.
ຂ່າວແຈ້ງວ່າ, ວັນທີ 8 ກັນຍານີ້, ອາເມຣິກາ ແລະ ເຢຍລະມັນໄດ້ເປັນເຈົ້າພາບຮ່ວມກັນໄຂກອງປະຊຸມລະດັບລັດຖະມົນຕີກ່ຽວກັບບັນຫາອັຟການີສະຖານ ຜ່ານທາງວິດີໂອເຊິ່ງມີ 22 ປະເທດເຂົ້າຮ່ວມ ໂດຍຮຽກຮ້ອງໃຫ້ກຸ່ມຕາລີບັນຂອງອັຟການີສະຖານອະນຸຍາດໃຫ້ຄົນຕ່າງປະເທດ ແລະ ຄົນອັຟການີສະຖານມີອິດສະຫຼະອອກນອກປະເທດ, ເຄົາລົບສິດທິມະນຸດຂັ້ນພື້ນຖານ, ທັງກ່າວວ່າຈະປົກປ້ອງຊາວອັຟການີສະຖານດ້ວຍຊ່ອງທາງເສດຖະກິດ, ການຕ່າງປະເທດ ແລະ ການເມືອງ.
ທ່ານຈ້າວລີ້ຈ່ຽນກ່າວວ່າ, ໃນດ້ານໜຶ່ງ ອາເມຣິກາຫຼີກລ່ຽງຄວາມຮັບຜິດຊອບຂອງຕົນທີ່ສ້າງຄວາມວັນວາຍຢູ່ອັຟການີສະຖານໃນປັດຈຸບັນ, ອີກດ້ານໜຶ່ງ, ພັດຕຳໜິຄວາມພະຍາຍາມທີ່ມີລັກສະນະສ້າງສັນຂອງປະເທດອື່ນ ໂດຍສະເພາະແມ່ນປະເທດໃກ້ຄຽງກັບອັຟການີສະຖານ. ໃນອີກດ້ານໜຶ່ງ, ອາເມຣິກາໄດ້ສະແດງຄວາມເຫັນຫຼາຍເທື່ອແລ້ວວ່າ ຫວັງຢາກດຳເນີນການຮ່ວມມືກັບຈີນໃນບັນຫາອັຟການີສະຖານ, ອີກດ້ານໜຶ່ງ ພັດກ່າວວ່າ ການຖອນທະຫານອອກຈາກອັຟການີສະຖານແມ່ນເພື່ອສຸມກຳລັງຕໍ່ຕ້ານປະເທດຈີນ ເຊິ່ງເປັນການຍ້າຍຈຸດຍຸດທະສາດສຳຄັນ.
ທ່ານຈ້າວລີ້ຈ່ຽນກ່າວວ່າ, ອາເມຣິກາໄດ້ສະແດງທ່າທີຂັດແຍ້ງກັນມາຫຼາຍເທື່ອ ຈຶ່ງຕ້ອງອະທິບາຍໃຫ້ປະຊາຄົມໂລກເຂົ້າໃຈ.
ຄຳເຫັນ
0