ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ກັນຍານີ້, ກອງປະຊຸມເວທີປຶກສາຫາລືຜູ້ນຳວົງການທຸລະກິດຈີນ-ອາຊຽນ ແລະກອງປະຊຸມພິເສດເພື່ອລະນຶກຈີນ-ອາຊຽນສ້າງຕັ້ງສາຍພົວພັນຄູ່ເຈລະຈາຄົບຮອບ 30 ປີໄດ້ຈັດຂຶ້ນຢູ່ນະຄອນນານນິງ ເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ. ໃນຕະຫຼອດໄລຍະ 30 ປີຜ່ານມາ, ວົງການອຸດສາຫະກຳການຄ້າຈີນແລະອາຊຽນໄດ້ຮ່ວມກັນແບ່ງປັນຜົນປະໂຫຍດຢ່າງໃຫຍ່ຫຼວງ ແລະໄດ້ບັນລຸການພັດທະນາຮ່ວມກັນ.
ຜູ້ຮັບຜິດຊອບທີ່ກ່ຽວຂ້ອງຂອງສະມາຄົມສົ່ງເສີມການຄ້າຈີນແຈ້ງໃຫ້ຮູ້ວ່າ: ໃນໄລຍະ 30 ປີຜ່ານມາ, ວົງການອຸດສາຫະກຳການຄ້າຈີນ-ອາຊຽນໄດ້ຮ່ວມກັນຊຸກຍູ້ການກໍ່ສ້າງເຂດການຄ້າເສລີຈີນ-ອາຊຽນ, ເຂົ້າຮ່ວມການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ຮ່ວມກັນສະໜັບສະໜູນການເຈລະຈາສັນຍາວ່າດ້ວຍສາຍພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນຫຼື RCEP, ເຊິ່ງໄດ້ປະກອບສ່ວນອັນສຳຄັນເຂົ້າໃນການພັດທະນາການຮ່ວມມືດ້ານເສດຖະກິດການຄ້າຈີນ-ອາຊຽນຢ່າງບໍ່ຢຸດຢັ້ງ. ໃນໄລຍະ 30 ປີຜ່ານມາ, ມູນຄ່າການຄ້າລະຫວ່າງຈີນ-ອາຊຽນໄດ້ເພີ່ມຂຶ້ນ 85 ເທົ່າ, ຍອດມູນຄ່າການລົງທຶນລະຫວ່າງສອງຝ່າຍໄດ້ບັນລຸຫຼາຍກວ່າ 310 ຕື້ໂດລາສະຫະລັດ, ການກໍ່ສ້າງແບບເຊື່ອໂຍງເຊື່ອມຈອດກັນເຊັ່ນ ແລວທາງໃໝ່ທາງບົກທາງທະເລ ເປັນຕົ້ນໄດ້ເລັ່ງໄວຂຶ້ນຢ່າງບໍ່ຢຸດຢັ້ງ, ການຮ່ວມມືໃນອະນຸພາກພື້ນເຊັ່ນ ເຂດເຕີບໂຕພາກຕາເວັນອອກຈີນ-ອາຊຽນ, ອະນຸພາກພື້ນແມ່ນ້ຳລ້ານຊ້າງ-ແມ່ນ້ຳຂອງ ໄດ້ພັດທະນາກ້າວສູ່ລ່ວງເລິກແລະປະຕິບັດໃຫ້ເປັນຮູບປະທຳຢ່າງບໍ່ຢຸດຢັ້ງ.
ຄຳເຫັນ
0