ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກັນຍານີ້ຕາມເວລາທ້ອງຖິ່ນ, ຢູ່ນະຄອນຫຼວງກົວລະລຳເບີ, ໃນເວລາເຂົ້າຮ່ວມກິດຈະກຳແລກປ່ຽນທາງການຄ້າມະເລເຊຍ-ຈີນທີ່ຈັດຂຶ້ນທາງອອນລາຍ, ທ່ານຈ່າງຊີ້ງຊີ້ນ ທູດພິເສດກ່ຽວກັບຈີນຂອງນາຍົກລັດຖະມົນຕີມະເລເຊຍກ່າວວ່າ, ການຄ້າສອງຝ່າຍຈີນ-ມະເລເຊຍຈະສ້າງຄວາມຈະເລີນຮຸ່ງເຮືອງອີກຄັ້ງໃໝ່ແນ່ນອນ.
ທ່ານຈ່າງຊີ້ງຊີ້ນ ຊີ້ອອກວ່າ, ເສດຖະກິດທົ່ວໂລກໄດ້ປະສົບກັບການທ້າທາຍຢ່າງໃຫຍ່ຍ້ອນການແຜ່ລະບາດຂອງພະຍາດໂຄວິດ-19 ໃນປີ 2020, ແຕ່ວ່າ, ການຄ້າລະຫວ່າງສອງຝ່າຍມະເລເຊຍ-ຈີນກໍຍັງເພີ່ມຂຶ້ນຢ່າງສວນກະແສ, ໄດ້ບັນລຸປະມານ 80 ຕື້ 500 ລ້ານໂດລາສະຫະລັດ ເຊິ່ງເປັນສະຖິຕິໃໝ່. ຈີນໄດ້ກາຍເປັນປະເທດຄູ່ການຄ້າໃຫຍ່ອັນດັບໜຶ່ງຂອງມະເລເຊຍໃນ 12 ປີລຽນຕິດ, ສ່ວນມະເລເຊຍກໍ່ກາຍເປັນປະເທດຄູ່ການຄ້າໃຫຍ່ອັນດັບ 9 ຂອງຈີນ, ນີ້ເປັນການຢັ້ງຢືນທີ່ດີທີ່ສຸດຕໍ່ການພົວພັນຄູ່ການຄ້າທີ່ດີງາມລະຫວ່າງມະເລເຊຍ-ຈີນ.
ທ່ານຍັງກ່າວເນັ້ນເປັນພິເສດວ່າ, ພາຍຫຼັງມະເລເຊຍແລະຈີນໄດ້ເຊັນ “ສັນຍາວ່າດ້ວຍການພົວພັນຄູ່ຮ່ວມເສດຖະກິດຮອບດ້ານໃນພາກພື້ນ” ຫຼື RCEP ແລ້ວ, ການພົວພັນຄູ່ການຄ້າການລົງທຶນລະຫວ່າງສອງຝ່າຍຈະກ້າວເຂົ້າສູ່ໄລຍະທີ່ແໜ້ນແຟ້ນກວ່າເກົ່າ. ປັດຈຸບັນ, ກະຊວງການຄ້າສາກົນແລະອຸດສາຫະກິດມະເລເຊຍກຳລັງປັບປຸງຂໍ້ຜູກພັນຂອງສັນຍາດັ່ງກ່າວ. ເມື່ອປັບປຸງໃຫ້ສົມບູນແລ້ວ, ການຄ້າສອງຝ່າຍ ຈີນ-ມະເລເຊຍຍ່ອມຈະສ້າງຄວາມຈະເລີນຮຸ່ງເຮືອງອີກຄັ້ງໃໝ່ຢ່າງແນ່ນອນ.
ຄຳເຫັນ
0