ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ກັນຍານີ້, ຢູ່ນະຄອນຫຼວງພະນົມເປັນ, ທ່ານຮຸນເຊັນ ນາຍົກລັດຖະມົນຕີກຳປູເຈຍໄດ້ຕ້ອນຮັບການເຂົ້າຢ້ຽມຄຳນັບຂອງທ່ານວາງຢີ້ ທີ່ປຶກສາແຫ່ງລັດ, ທັງເປັນລັດຖະມົນຕີກະຊວງການຕ່າງປະເທດຈີນທີ່ພວມຢ້ຽມຢາມກຳປູເຈຍຢ່າງເປັນທາງການ.
ທ່ານຮຸນເຊັນກ່າວວ່າ, ເຖິງວ່າກຳປູເຈຍເປັນປະເທດນ້ອຍ, ແຕ່ຈະບໍ່ທໍ້ຖອຍແລະຍອມຈຳນົນ ຕໍ່ແຮງກົດດັນຈາກພາຍນອກ, ຈະສືບຕໍ່ສະໜັບສະໜູນຫຼັກໝັ້ນທີ່ເປັນທຳຂອງຈີນໃນບັນຫາທີ່ພົວພັນເຖິງຜົນປະໂຫຍດແກນກາງຂອງຈີນ ເຊັ່ນ: ບັນຫາໄຕ້ຫວັນ, ບັນຫາຮົງກົງ, ບັນຫາຊິ່ນຈ່ຽງ ແລະອື່ນໆ. ກຳປູເຈຍຂໍສະແດງຄວາມຂອບໃຈນຳຝ່າຍຈີນທີ່ໄດ້ໃຫ້ການຊ່ວຍເຫຼືອອັນລ້ຳຄ່າແກ່ກຳປູເຈຍໃນການຕ້ານພະຍາດໂຄວິດ-19, ກຳປູເຈຍຈະສືບຕໍ່ເພີ່ມທະວີການຮ່ວມມືກັບຈີນໃນການຕ້ານກັບພະຍາດໂຄວິດ-19, ຊຸກຍູ້ການຮ່ວມມືດ້ານເສດຖະກິດການຄ້າ, ການກໍ່ສ້າງພື້ນຖານໂຄງລ່າງ ແລະຂົງເຂດອື່ນໆໃຫ້ຂຶ້ນສູ່ລະດັບໃໝ່ທີ່ສູງກວ່າເກົ່າ. ກຳປູເຈຍຍິນດີເພີ່ມທະວີການແລກປ່ຽນຄວາມຄິດເຫັນກັບຈີນ, ປ້ອງກັນບໍ່ໃຫ້ອິດທິກຳລັງນອກພາກພື້ນສ້າງຄວາມວຸ້ນວາຍໃຫ້ກັບວຽກງານພາກພື້ນ, ຮ່ວມກັນປົກປັກຮັກສາສັນຕິພາບ ແລະ ສະຖຽນລະພາບຂອງພາກພື້ນ.
ທ່ານວາງຢີ້ກ່າວວ່າ, ຈີນຈະສືບຕໍ່ຊ່ວຍເຫຼືອວັກຊີນ ແລະ ອຸປະກອນຕ້ານກັບພະຍາດໂຄວິດ-19ແກ່ກຳປູເຈຍ, ຈົນກວ່າກຳປູເຈຍໄດ້ຮັບໄຊຊະນະໃນການຕ້ານພະຍາດໃນທີ່ສຸດ. ຈີນຍິນດີຮ່ວມກັບກຳປູເຈຍເລັ່ງການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”ຢ່າງມີຄຸນນະພາບສູງໃຫ້ໄວຂຶ້ນ, ຊ່ວຍເຫຼືອກຳປູເຈຍຟື້ນຟູເສດຖະກິດ ແລະປົວແປງຊີວິດການເປັນຢູ່ຂອງປະຊາຊົນຢ່າງແທ້ຈິງ.
ຄຳເຫັນ
0