ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ຫາວັນທີ 13 ກັນຍານີ້, ງານວາງສະແດງສິນຄ້າຈີນ-ອາຊຽນ ແລະກອງປະຊຸມສຸດຍອດດ້ານການຄ້າແລະການລົງທຶນຈີນ-ອາຊຽນຄັ້ງທີ 18 ໄດ້ຈັດຂຶ້ນຢູ່ເມືອງນານນິງເຂດກວາງຊີປະເທດຈີນ, ເສດຖະກິດດີຈີຕອນແມ່ນໜຶ່ງໃນຂົງເຂດສຳຄັນທີ່ໄດ້ຮັບຄວາມສົນໃຈຈາກຝ່າຍຕ່າງໆ. ໃນໄລຍະຕ້ານການແຜ່ລະບາດຂອງພະຍາດໂຄວິດ-19, ເສດຖະກິດດີຈີຕອນປະເພດຕ່າງໆ ເຊັ່ນ: ການໂອນເງິນເຄື່ອນທີ່, ການຄ້າເອເລັກໂຕຼນິກ ແລະອື່ນໆໄດ້ສະແດງໃຫ້ເຫັນຄວາມມີຊີວິດຊີວາແລະຄວາມເຂັ້ມແຂງ ເຊິ່ງໄດ້ເສີມຂະຫຍາຍບົດບາດທີ່ສຳຄັນຢ່າງຕໍ່ເນື່ອງໃນການຊຸກຍູ້ການພັດທະນາຊີວິດການເປັນຢູ່ຂອງປະຊາຊົນ ແລະຄວາມຈະເລີນຮຸ່ງເຮືອງທາງດ້ານເສດຖະກິດຂອງຈີນ ກໍຄືຂອງອາຊຽນ.
ໃນຊຸມປີມໍ່ໆມານີ້, ການຄ້າເອເລັກໂຕຼນິກຂ້າມຊາດໄດ້ພັດທະນາຢ່າງວ່ອງໄວ. ນັບແຕ່ປີ 2016 ເປັນຕົ້ນມາ, ຈີນແລະ 22 ປະເທດໄດ້ສ້າງກົນໄກການຮ່ວມມືດ້ານການຄ້າເອເລັກໂຕຼນິກສອງຝ່າຍ ເຊິ່ງຜະລິດຕະພັນທີ່ມີເອກະລັກພິເສດຂອງປະເທດອາຊຽນ ເປັນຕົ້ນ: ກາເຟຂອງຫວຽດນາມ, ໝາກໄມ້ຈຳພວກເປືອກແຂງຂອງກຳປູເຈຍ ແລະໝາກຖົ່ວລຽນຂອງໄທໄດ້ຮັບຄວາມນິຍົມຈາກຜູ້ບໍລິໂພກໃນເວທີການຄ້າເອເລັກໂຕຼນິກຂອງປະເທດຈີນ.
ໃນ 6 ເດືອນທຳອິດຂອງປີນີ້, ມູນຄ່າການຄ້າລະຫວ່າງຈີນ-ອາຊຽນມີຫຼາຍກວ່າ 410 ຕື້ໂດລາສະຫະລັດ, ອາຊຽນໄດ້ສືບຕໍ່ເປັນຄູ່ການຄ້າທີ່ໃຫຍ່ທີ່ສຸດ ແລະຄູ່ການລົງທຶນທີ່ສຳຄັນຂອງຈີນ.
ຄຳເຫັນ
0