ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ກັນຍານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍເຖິງບຸນມະໂຫລານສິລະປະພື້ນເມືອງສາກົນກຳແພງເມືອງຈີນ “ໜຶ່ງແລວໜຶ່ງເສັ້ນທາງ" ປີ 2021.
ທ່ານກ່າວວ່າ: ການຈັດບຸນມະໂຫລານສິລະປະພື້ນເມືອງສາກົນກຳແພງເມືອງຈີນ “ໜຶ່ງແລວໜຶ່ງເສັ້ນທາງ” ຄັ້ງນີ້ມີຜົນດີຕໍ່ການສົ່ງເສີມຄຸນຄ່າມໍລະດົກວັດທະນະທຳໂລກຂອງເສັ້ນທາງສາຍໄໝ ແລະກຳແພງເມືອງຈີນ, ເປັນການສະໜອງເວທີດ້ານສິລະປະພື້ນເມືອງໃຫ້ກັບບັນດາປະເທດ, ເປັນການສ້າງຂົວຕໍ່ດ້ານການແລກປ່ຽນລະຫວ່າງປະຊາຊົນບັນດາປະເທດ, ສ້າງເສັ້ນທາງການແລກປ່ຽນດ້ານອາລະຍະທຳເຊິ່ງກັນ ແລະກັນ. ຈີນໄດ້ຖືເອົາທັດສະນະດ້ານອາລະຍະທຳທີ່ສະເໝີພາບ, ຖອດຖອນບົດຮຽນເຊິ່ງກັນ ແລະກັນ, ສົນທະນາ ແລະກວມລວມ, ຍິນດີຮ່ວມກັບບັນດາປະເທດ, ຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ”, ຍຶດໝັ້ນໃນຫຼັກການສ້າງຄວາມກົມກຽວ ແລະສະຫງວນທ່າທີທີ່ຕ່າງກັນ, ຍ້ອງຍໍສັນລະເສີນຄວາມງາມເຊິ່ງກັນ ແລະກັນ, ປະກອບສ່ວນຫຼາຍກວ່າເກົ່າເຂົ້າໃນຄວາມກ້າວໜ້າດ້ານອາລະຍະທຳຂອງມວນມະນຸດ.
ບຸນມະໂຫລານສິລະປະພື້ນເມືອງສາກົນກຳແພງເມືອງຈີນ “ໜຶ່ງແລວໜຶ່ງເສັ້ນທາງ” ປີ 2021 ໄດ້ເປີດສາກຂຶ້ນຢູ່ເມືອງລາງຟາງແຂວງເຮີເປີຍຈີນໃນມື້ດຽວກັນ, ໂດຍພາຍໃຕ້ຫົວຂໍ້ “ການເຊື່ອມໂຍງສິລະປະວັດທະນະທຳ, ສ້າງ ‘ໜຶ່ງແລວໜຶ່ງເສັ້ນທາງ’ ຮ່ວມກັນ”.
ຄຳເຫັນ
0