ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 20 ກັນຍານີ້, ຜົນການປ່ອນບັດເລືອກຕັ້ງທົ່ວໄປແບ່ງຈຸຕາມວົງການຕ່າງໆຂອງຄະນະກຳມະການເລືອກຕັ້ງເຂດພິເສດຮົງກົງປີ 2021 ໄດ້ເປີດເຜີຍແລ້ວ, ກຳມະການ 364 ບ່ອນນັ່ງຂອງ 13 ວົງການ ທີ່ມີຜູ້ສະໝັກຮັບເລືອກຕັ້ງ 412 ທ່ານເຂົ້າຮ່ວມການເລືອກຕັ້ງນັ້ນ ໄດ້ຜົນເລືອກຕັ້ງທັງໝົດຢ່າງສະດວກ.
ພາຍໃຕ້ລະບຽບການເລືອກຕັ້ງໃໝ່ຂອງຮົງກົງ, ຄະນະກຳມະການເລືອກຕັ້ງມີບົດບາດສຳຄັນ, ລວມທັງການສະເໜີຊື່ແລະເລືອກຕັ້ງຜູ້ສະໝັກຮັບເລືອກຕັ້ງຜູ້ວ່າການເຂດບໍລິຫານພິເສດຮົງກົງ, ສະເໜີຊື່ຜູ້ສະໝັກຮັບເລືອກຕັ້ງສະມາຊິກສະພານິຕິບັນຍັດ, ແລະເລືອກຕັ້ງສະມາຊິກສະພານິຕິບັນຍັດ 40 ທ່ານ.
ວັນທີ 19 ກັນຍານີ້, ຫຼັງຈາກການປ່ອນບັດເລືອກຕັ້ງສິ້ນສຸດລົງແລ້ວ, ທ່ານນາງ ຄາຣີ ລຳແຈງເຢັດງໍ, ຜູ້ວ່າການເຂດບໍລິຫານພິເສດຮົງກົງໄດ້ອອກຖະແຫຼງການໂດຍກ່າວວ່າ, ການເລືອກຕັ້ງເທື່ອນີ້ແມ່ນການເລືອກຕັ້ງເທື່ອທຳອິດຫຼັງຈາກລະບຽບການເລືອກຕັ້ງຂອງຮົງກົງໄດ້ຮັບການປັບປຸງໃຫ້ຂຶ້ນ, ມີຄວາມໝາຍສຳຄັນຫຼາຍ, ເຊິ່ງເປັນສັນຍາລັກທີ່ສະແດງໃຫ້ເຫັນວ່າ, ໂຄງປະກອບເມືອງຂອງເຂດພິເສດຮົງກົງໄດ້ປະຕິບັດຕາມຫຼັກການ “ຜູ້ຮັກຊາດປົກຄົງຮົງກົງ”, ຍຶດໝັ້ນປົກປັກຮັກສາອະທິປະໄຕ, ຄວາມໝັ້ນຄົງແລະຜົນປະໂຫຍດດ້ານການພັດທະນາຂອງປະເທດຊາດ, ເພື່ອຮັບປະກັນໃຫ້ພຶດຕິກຳ “ປະເທດດຽວສອງລະບອບ” ໄດ້ປະຕິບັດຢ່າງໝັ້ນທ່ຽງແລະຖາວອນ.
ຄະນະກຳມະການເລືອກຕັ້ງຊຸດໃໝ່ຂອງເຂດພິເສດຮົງກົງມີອາຍຸຕຳແໜ່ງເປັນເວລາ 5 ປີ, ເຊິ່ງເລີ່ມແຕ່ວັນທີ 22 ຕຸລາປີ 2021 ຈົນຮອດວັນທີ 21 ຕຸລາປີ 2026.
ຄຳເຫັນ
0