ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ກັນຍານີ້, ຍານອະວະກາດຂົນສົ່ງສິນຄ້າ “ທ່ຽນໂຈ່ວ 3” ໄດ້ເຂົ້າສູ່ວົງໂຄຈອນຢ່າງສຳເລັດຜົນ, ຈາກນັ້ນກໍ່ໄດ້ຕັ້ງຄ່າບິນອ້ອມວົງໂຄຈອນເປັນຢ່າງດີ, ແລະໄດ້ນຳໃຊ້ຮູບແບບການເຊື່ອມຕໍ່ດ້ວຍຈັງຫວະໄວໂດຍອັດຕະໂນມັດ ເຊື່ອມຕໍ່ເຂົ້າຕ້ານຫຼັງຂອງຫ້ອງແກນກາງທ່ຽນເຮີຂອງສະຖານີອະວະກາດຢ່າງສຳເລັດຜົນ, ຂະບວນການດັ່ງກ່າວໃຊ້ເວລາປະມານ 6 ຊົ່ວໂມງເຄິ່ງ. ຍານອະວະກາດຂົນສົ່ງສິນຄ້າ “ທ່ຽນໂຈ່ວ 3” ໄດ້ບັນທຸກວັດຖຸຮັບໃຊ້ຊີວິດການເປັນຢູ່ຂອງນັກບິນອະວະກາດ, ຊຸດນັກບິນອະວະກາດຢູ່ນອກຍານແລະເຄື່ອງໃຊ້ຢູ່ນອກຍານ, ວັດສະດຸການສ້າງສະຖານີອະວະກາດ, ສານຂັບເຄື່ອນຈຳນວນໜຶ່ງແລະອື່ນໆ, ຫຼັງຈາກຫ້ອງແກນກາງທ່ຽນເຮີເຊື່ອມຕໍ່ກັນຢ່າງຮຽບຮ້ອຍ, ຍານອະວະກາດຂົນສົ່ງສິນຄ້າ “ທ່ຽນໂຈ່ວ 2”, ແລະ “ທຽນໂຈ່ວ 3” ກໍໄດ້ປະກອບເປັນສະຖານີອະວະກາດແລະໂຄຈອນຢູ່ເທິງອະວະກາດ.
ຂ່າວແຈ້ງວ່າ, ຄຽງຄູ່ກັບສະຖານີອະວະກາດຈາກໄລຍະກໍ່ສ້າງ ພັດທະນາໄປສູ່ໄລຍະການເຄື່ອນໄຫວເປັນໄລຍະຍາວ, ບົນພື້ນຖານຂະບວນການທີ່ໄດ້ຕາມມາດຖານ, ເຊັ່ນ: ການອອກແບບ, ການທົດສອບ, ການສົ່ງຂຶ້ນສູ່ອະວະກາດແລະອື່ນໆ, ຍານອະວະກາດຂົນສົ່ງສິນຄ້າລຸ້ນຕ່າງໆຈະຄົ້ນຄວ້າຜະລິດຕາມມາດຕະຖານທີ່ໄດ້ກຳນົດໄວ້. ໃນຕໍ່ໜ້ານີ້, ຍານອະວະກາດຂົນສົ່ງສິນຄ້າໃນລະບົບ “ທ່ຽນໂຈ່ວ” ຈະໃຊ້ລະບົບທີ່ຕັ້ງຄ່າຕາມມາດຕະຖານດຽວກັນ, ເພື່ອສອດຄ່ອງກັບການຄົ້ນຄວ້າຜະລິດ ຍານອະວະກາດຂົນສົ່ງສິນຄ້າຢ່າງເປັນລະບົບ. ສ່ວນລະບົບນຳທາງແລະລະບົບຄວບຄຸມຂອງຍານອະວະກາດຂົນສົ່ງສິນຄ້າ “ທ່ຽນໂຈ່ວ” ກໍ່ຈະສົມບູນແລະໝັ້ນທ່ຽງກວ່າເກົ່າ, ສາມາດຕອບສະໜອງຕາມຄວາມຕ້ອງການໃນການຂົນສົ່ງສິນຄ້າໄປສູ່ສະຖານີອະວະກາດຢ່າງຖີ່ຂຶ້ນເລື້ອຍໆໃນຕໍ່ໜ້າທີ່ເປັນໄລຍະຍາວ, ຊຸກຍູ້ໃຫ້ການສ້າງສະຖານີອະວະກາດຂອງຈີນກ້າວໄປສູ່ຜົນສຳເລັດອັນໃໝ່ເລື້ອຍໆ.
ຄຳເຫັນ
0