ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວປະຈຳທີ່ຈັດຂຶ້ນໃນວັນທີ 24 ກັນຍານີ້, ທ່ານ ຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວວ່າ, ຈີນຈະສືບຕໍ່ຕອບໂຕ້ຢ່າງເດັດດ່ຽວແລະແຂງແຮງຕໍ່ອາເມຣິກາທີ່ແຊກແຊງກິດຈະການຮົງກົງ.
ວັນທີ 24 ກັນຍານີ້, ເວັບໄຊຂອງກະຊວງການຕ່າງປະເທດຈີນ ໄດ້ເປີດເຜີຍ “ບັນຊີສະພາບຄວາມເປັນຈິງກ່ຽວກັບອາເມຣິກາແຊກແຊງກິດຈະການຮົງກົງ ແລະ ສະໜັບສະໜູນອິດທິກຳລັງຕໍ່ຕ້ານຈີນ ແລະ ກໍ່ຄວາມວຸ້ນວາຍຢູ່ຮົງກົງ” ໂດຍໄດ້ສະຫຼຸບການກະທຳຕ່າງໆຂອງອາເມຣິກາທີ່ແຊກແຊງກິດຈະການຮົງກົງ, ແຊກແຊງວຽກງານພາຍໃນຂອງຈີນ ລວມທັງການກໍ່ການຂວ້ຳບາດຢ່າງບັງອາດ, ໃສ່ຮ້າຍປ້າຍສີຕໍ່ການປະຕິບັດງານຂອງອົງການປົກຄອງເຂດພິເສດຮົງກົງ, ເຂົ້າຂ້າງແລະສະໜັບສະໜູນພວກຕໍ່ຕ້ານຈີນແລະກໍ່ຄວາມວຸ້ນວາຍຢູ່ຮົງກົງ, ການສົມຮູ້ຮ່ວມຄິດກັບຫຼາຍຝ່າຍເພື່ອໃຊ້ຄວາມກົດດັນ ແລະອື່ນໆຂອງຝ່າຍອາເມຣິການັບແຕ່ເຫດການ “ປັບປຸງກົດຂໍ້ກຳນົດວ່າດ້າຍນັກໂທດທີ່ໂຕນໜີ” ເມື່ອປີ 2019 ເປັນຕົ້ນມາ.
ທ່ານ ຈ້າວລີ້ຈ່ຽນ ຊີ້ໃຫ້ເຫັນວ່າ: ອາເມຣິກາຄວນເຄົາລົບອະທິປະໄຕຂອງຈີນຢ່າງແທ້ຈິງ, ປະຕິບັດຕາມກົດໝາຍສາກົນ ແລະ ຫຼັກມາດຖານພື້ນຖານຂອງສາຍພົວພັນລະຫວ່າງຊາດ, ຢຸດຕິການແຊກແຊງກິດຈະການຮົງກົງ, ແລະຢຸດຕິການແຊກແຊງວຽກງານພາຍໃນຂອງຈີນ. ນອກນີ້, ອາເມຣິກາກໍບໍ່ຄວນສະໜັບສະໜູນ ແລະ ໃຫ້ທ້າຍຕໍ່ອິດທິກຳລັງຕໍ່ຕ້ານຈີນ ແລະ ກໍ່ຄວາມວຸ້ນວາຍຢູ່ຮົງກົງດ້ວຍທຸກຮູບແບບ, ຖ້າບໍ່ດັ່ງນັ້ນ, ຍ່ອມຈະທຳລາຍຜົນປະໂຫຍດຂອງອາເມຣິກາເອງຢູ່ຮົງກົງຢ່າງໜັກໜ່ວງໃນທີ່ສຸດ.
ຄຳເຫັນ
0