ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ກັນຍານີ້, ຫ້ອງການຖະແຫຼງຂ່າວຂອງລັດຖະບານຈີນໄດ້ເຜີຍແຜ່ປື້ມປົກຂາວກ່ຽວກັບ “ການສ້າງສັງຄົມທີ່ອີ່ມໜຳສຳລານຮອບດ້ານຂອງຈີນ”
ປື້ມປົກຂາວໄດ້ຊີ້ອອກວ່າ, ການສ້າງສຳເລັດສັງຄົມທີ່ອີ່ມໜຳສຳລານຢ່າງຮອບດ້ານໃຫ້ສຳເລັດເປັນບາດກ້າວສຳຄັນທີ່ສຸດໃນການບັນລຸເປົ້າໝາຍການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງຊາດຈີນ.
ປື້ມປົກຂ່າວລະບຸວ່າ, ການສ້າງສັງຄົມທີ່ອີ່ມໜຳສຳລານຮອບດ້ານແມ່ນການສ້າງສັງຄົມທີ່ມີຄວາມສິວິໄລດ້ານວັດຖຸ, ຄວາມສິວິໄລດ້ານການເມືອງ, ຄວາມສິວິໄລດ້ານຈິດໃຈ, ຄວາມສິວິໄລທາງສັງຄົມ ແລະ ຄວາມສິວິໄລທາງຊີວະພາບໃຫ້ສາມາດພັດທະນາໄດ້ຢ່າງກົມກຽວກັນ, ແມ່ນການຕອບສະໜອງຕາມຄວາມຕ້ອງການຂອງປະຊາຊົນ ທີ່ມີຫຼາຍຢ່າງ, ຫຼາຍລະດັບ ແລະ ຫຼາຍດ້ານທີ່ນັບມື້ນັບເພີ່ມຂຶ້ນ, ແມ່ນສັງຄົມທີ່ອີ່ມໜຳສຳລານທີ່ຊຸກຍູ້ໃຫ້ຄົນພັດທະນາຢ່າງຮອບດ້ານ. ສັງຄົມທີ່ອີ່ມໜຳສຳລານຮອບດ້ານຂອງຈີນ ແມ່ນສັງຄົມທີ່ອີ່ມໜຳສຳລານທີ່ປະຊາຊົນທັງຫຼາຍພ້ອມກັນຊົມໃຊ້ໝາກຜົນຂອງການພັດທະນາ, ແມ່ນປະຊາຊົນຈີນຍາດມາໄດ້ໂດຍຜ່ານຄວາມພະຍາຍາມ, ສະຕິປັນຍາ ແລະ ສູ້ຊົນອອກແຮງງານໂດຍຕົນເອງ.
ປື້ມປົກຂາວຍັງລະບຸວ່າ, ຈີນໄດ້ເຮັດໃຫ້ຜົນປະໂຫຍດຂອງປະຊາຊົນຈີນ ກັບ ຜົນປະໂຫຍດຂອງປະຊາຊົນປະເທດຕ່າງໆເຊື່ອມໂຍງເຂົ້າກັນຕະຫຼອດມາ, ຈີນເປັນປະເທດສ້າງສັນຕິພາບໂລກ, ຜູ້ປະກອບສ່ວນໃນການພັດທະນາໂລກ, ຜູ້ປົກປັກຮັກສາກົດລະບຽບສາກົນ ແລະ ຜູ້ສະໜອງຜະລິດຕະພັນສາທາລະນະໃຫ້ກັບໂລກຕະຫຼອດມາ.
ຄຳເຫັນ
0