ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ມະຫາກຳກິລາແຫ່ງຊາດຈີນຄັ້ງທີ 14 ໄດ້ສິ້ນສຸດລົງແລ້ວໃນຕອນຄ່ຳຂອງວັນທີ 27 ກັນຍານີ້. ໃນຖານະເປັນງານກິລາສັງລວມທີ່ມີລະດັບສູງສຸດຂອງຈີນ, ໃນເວລາທີ່ສະແດງສີມືແລະລີລາຂອງນັກກິລາຈີນທັງຫຼາຍ, ໃນມະຫາກຳກິລາແຫ່ງຊາດຈີນໄດ້ເປັນການສ້າງກະແສອອກກຳລັງກາຍທົ່ວປວງຊົນໃນທົ່ວປະເທດຈີນ.
ໃນມະຫາກຳກິລາແຫ່ງຊາດຈີນຄັ້ງທີ 13 ທີ່ຈັດຂຶ້ນເມື່ອ 4 ປີກ່ອນ, ລາຍການແຂ່ງຂັນກິລາມວນຊົນໄດ້ຖືກຈັດເຂົ້າໃນລາຍການແຂ່ງຂັນມະຫາກຳກິລາແຫ່ງຊາດຈີນເປັນຄັ້ງທຳອິດ, ມາຮອດປັດຈຸບັນເວລາໄດ້ຜ່ານໄປ 4 ປີແລ້ວ, ລາຍການແຂ່ງຂັນກິລາມວນຊົນໄດ້ຖືກຈັດເຂົ້າໃນລາຍການແຂ່ງຂັນຂອງມະຫາກຳກິລາແຫ່ງຊາດຈີນອີກຄັ້ງໜຶ່ງ, ປະຊາຊົນທົ່ວໄປສາມາດສະແດງສີມືແລະລີລາຂອງຕົນສ່ຳກັບນັກກິລາທີ່ຕົນເອງມັກ, ໄດ້ຮັບຄວາມມ່ວນຊື່ນແລະແຮງບັນດານໃຈຈາກການແຂ່ງຂັນ, ແລະສາມາດສຳພັດກັບສະເໜ່ຂອງກິລາ.
ລາຍການແຂ່ງຂັນກິລາມວນຊົນໃນມະຫາກຳກິລາແຫ່ງຊາດຈີນຄັ້ງນີ້ມີຫຼາຍກວ່າຄັ້ງຜ່ານມາ, ບໍ່ພຽງແຕ່ມີລາຍການກິລາປະເພດທີ່ໃຊ້ໃນການແຂ່ງຂັນອ່າວຫຼາຍເຊັ່ນ: ປິ່ງປ໋ອງ, ປີກໄກ່, ເທນນິສ໌, ບານເຕະ, ບານບ້ວງ, ການຊວງເຮືອແລະອື່ນໆເທົ່ານັ້ນ, ຍັງມີລາຍການແຂ່ງຂັນໃຊ້ປັນຍາເຊັ່ນ: ໝາກລຸກ, ໝາກເສິກ, ໝາກເສິກສາກົນ, ໄພ້ບຼີກແລະລາຍການອື່ນໆ; ນອກນີ້, ການແຂ່ງຂັນກິລາມວນຊົນໃນມະຫາກຳກິລາແຫ່ງຊາດຈີນຄັ້ງນີ້ຍັງໄດ້ເອົາກິລາມວນຊົນອື່ນໆອັດເປັນວິດີໂອເຂົ້າຮ່ວມແຂ່ງຂັນເຊັ່ນ: ລາຍການ ເຕັ້ນແອໂຣບິກ, ກາຍຍະກຳເພື່ອອອກກຳລັງກາຍ, ພະລັງຊີ້ກົ່ງອອກກຳລັງກາຍແລະມວຍໄທເກັກ, ເພື່ອເຮັດໃຫ້ປະຊາຊົນຈີນເຂົ້າຮ່ວມມະຫາກຳກິລາແຫ່ງຊາດຈີນຫຼາຍກວ່າເກົ່າ. ຂົກຕົວຢ່າງຄື: ການເຕັ້ນແອໂຣບິກເປັນກິລາມວນຊົນທີ່ເກີດຂຶ້ນເປັນເຈົ້າການດ້ວຍຕົນເອງ, ປັດຈຸບັນໄດ້ກ້າວຂຶ້ນສູ່ເວທີມະຫາກຳກິລາແຫ່ງຊາດຈີນແລ້ວ, ເຊິ່ງໄດ້ສະແດງໃຫ້ເຫັນວ່າປະຊາຊົນມີຄວາມຮູ້ສຶກວ່າໄດ້ເຂົ້າຮ່ວມ, ມີຄວາມຮູ້ສຶກວ່າໄດ້ຮັບຜົນປະໂຫຍດແລະມີຄວາມຮູ້ສຶກວ່າມີຄວາມສຸກວ່າຢ່າງຫຼວງຫຼາຍ.
ສຳລັບນັກກິລາທັງຫຼາຍທີ່ມີໂອກາດເຂົ້າຮ່ວມການແຂ່ງຂັນກິລາມວນຊົນໃນມະຫາກຳກິລາແຫ່ງຊາດຈີນ, ສາມາດໄດ້ຄະແນນທີ່ດີກໍເປັນເລື່ອງທີ່ດີແລ້ວ, ແຕ່ສິ່ງສຳຄັນກວ່ານັ້ນແມ່ນສາມາດເຂົ້າຮ່ວມການແຂ່ງຂັນໃນມະຫາກຳກິລາແຫ່ງຊາດຈີນ, ໄດ້ຮັບຄວາມສຸກຈາກມະຫາກຳກິລາແຫ່ງຊາດ.
ໃນໄລຍະຈັດມະຫາກຳກິລາແຫ່ງຊາດຈີນ, ຄົນທັງຫຼາຍໄດ້ສະແດງວິທີອອກກຳລັງກາຍໃນທຸກມື້ຜ່ານ Wechat ຈົນກາຍເປັນແຟຊັນໄປແລ້ວ. ສະນັ້ນຈຶ່ງສາມາດຢືນຢັນໄດ້ວ່າ: ມະຫາກຳກິລາແຫ່ງຊາດຈີນມີບົດບາດຊຸກຍູ້ການອອກກຳລັງກາຍທົ່ວປວງຊົນນັບມື້ນັບຫຼາຍຂຶ້ນ. ຈາກບ່ອນເຮັດວຽກຫາເຂດຊຸມຊົນ, ຈາກບ່ອນນອກເຮືອນຫາໃນເຮືອນ, ພາຍໃຕ້ການຍຶດໝັ້ນການຝຶກຊ້ອມແບບມື້ຕໍ່ມື້, ປະຊາຊົນຈີນໄດ້ຮັບຄວາມສຸກນັບມື້ນັບຫຼາຍຂຶ້ນ, ພ້ອມດຽວກັນນັ້ນກໍໄດ້ເຮັດໃຫ້ສຸຂະພາບແຂງແຮງກວ່າເກົ່າ, ມີບຸກຄະລິກກະພາບສົມບູນກວ່າເກົ່າແລະເພີ່ມຄວາມໜັກແໜ້ນທາງດ້ານຈິດໃຈ, ພາລະກິດກິລາມວນຊົນພວມພັດທະນາໄປສູ່ທິດທາງທີ່ເປັນຂະບວນການຫຼາຍກວ່າເກົ່າແລະສົມບູນກວ່າເກົ່າ.
ເມື່ອກິລາໄດ້ຮັບການພັດທະນາດີຂຶ້ນແລ້ວ, ປະເທດກໍຈະເຂັ້ມແຂງຂຶ້ນ. ມາດຕະຖານປະເມີນປະເທດໃດໜຶ່ງເປັນປະເທດເຂັ້ມແຂງດ້ານກິລາຢັ້ງຢືນຈາກບໍ່ພຽງແຕ່ແມ່ນຄະແນນຂອງກິລາທີ່ໃຊ້ໃນການແຂ່ງຂັນເທົ່ານັ້ນ, ຍັງມີດັດຊະນີອື່ນໆອີກເຊັ່ນ: ປະຊາຊົນມີສຸຂະພາບແຂງແຮງ, ຈຳນວນການເຂົ້າຮ່ວມກິລາຂອງປະຊາຊົນແລະອື່ນໆ. ມະຫາກຳກິລາແຫ່ງຊາດຈີນໃນປັດຈຸບັນບໍ່ພຽງແຕ່ແມ່ນເວທີແຂ່ງຂັນຂອງນັກກິລາເທົ່ານັ້ນ, ທັງເປັນເວທີໃຫຍ່ທີ່ປະຊາຊົນຜູ້ມັກຫຼິ້ນກິລາກໍ່ສາມາດສະແດງສີມືແລະລີລາຂອງຕົນໄດ້. ປະຊາຊົນທົ່ວປະເທດເຂົ້າຮ່ວມມະຫາກຳກິລາແຫ່ງຊາດ, ໄດ້ເຮັດໃຫ້ປະຊາຊົນທັງຫຼາຍສົນໃຈນຳກິລາ, ເຂົ້າຮ່ວມກິລາແລະໄດ້ຮັບຄວາມສຸກຈາກກິລາ, ເຮັດໃຫ້ການອອກກຳລັງກາຍທົ່ວປວງຊົນກ້າວໄປສູ່ຈິດໃຈຂອງປະຊາຊົນໄດ້ກວ້າງຂວາງກວ່າເກົ່າ, ຊຸກຍູ້ໃຫ້ການອອກກຳລັງກາຍທົ່ວປວງຊົນແລະຍຸດທະສາດປະເທດຈີນທີ່ເຂັ້ມແຂງດ້ານກິລາກ້າວສູ່ລວງເລິກເທື່ອລະກ້າວ.
ຄຳເຫັນ
0