ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ກັນຍານີ້, ອົງການປະຊາກອນແລະຊັບພະຍາກອນມະນຸດແຫ່ງຊາດສິງກະໂປໄດ້ເຜີຍແຜ່ບົດລາຍງານຫຍໍ້ວ່າດ້ວຍປະຊາກອນປີ2021ໂດຍລະບຸວ່າ: ຈຳນວນປະຊາກອນຂອງສິງກະໂປໃນສອງປີຜ່ານມາໄດ້ຫຼຸດໜ້ອຍລົງ, ນັບມາຮອດເດືອນມິຖຸນາປີ2021ນີ້,ສິງກະໂປມີປະຊາກອນທັງໝົດປະມານ 5,45 ລ້ານຄົນ, ຫຼຸດລົງ 4,1% ເມື່ອທຽບໃສໄລຍະດຽວກັນຂອງປີ2020ທີ່ມີຈຳນວນ 5,69 ລ້ານຄົນ.
ບົດລາຍງານລະບຸຕື່ມວ່າ: ສາເຫດຕົ້ນຕໍທີ່ພາໃຫ້ປະຊາກອນຂອງສິງກະໂປຫຼຸດໜ້ອຍລົງແມ່ນຍ້ອນປະຊາກອນບໍ່ຢູ່ປະຈຳໄດ້ຫຼຸດໜ້ອຍລົງ, ແຕ່ພົນລະເມືອງແລະປະຊາກອນຜູ້ຢູ່ປະຈຳຢູ່ສິງກະໂປກໍໄດ້ຫຼຸດລົງເປັນຄັ້ງທຳອິດເມື່ອທຽບໃສ່ໄລຍະດຽວກັນຂອງປີ2020 ນັບແຕ່ມີການບັນທຶກໃນປີ1970ເປັນຕົ້ນມາ. ນີ້ແມ່ນຈຳນວນປະຊາກອນສິງກະໂປໄດ້ຫຼຸດລົງຫຼາຍທີ່ສຸດເມື່ອທຽບໃສ່ປີຜ່ານມານັບແຕ່ປີ1950ເປັນຕົ້ນມາ.
ຕາມຕົວເລກສະຖິຕິຂອງເວັບໄຊອົງການສະຖິຕິສິງກະໂປ, ນັບແຕ່ປີ1950ເປັນຕົ້ນມາ, ຈຳນວນປະຊາກອນຂອງສິງກະໂປເຄີຍໄດ້ຫຼຸດລົງສອງເທື່ອ ຄື ປີ1986 ໄດ້ຫຼຸດລົງ0,1% ປີ2020 ໄດ້ຫຼຸດລົງ 0,3%.
ຄຳເຫັນ
0