ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆນີ້, ອາເມຣິກາ ແລະ ປະເທດຝ່າຍຕາເວັນຕົກຈຳນວນໜ້ອຍໄດ້ຮ່ວມກັນປັ້ນແຕ່ງທີ່ເອີ້ນວ່າ “ງານວາງສະແດງຮູບພາບກ່ຽວກັບຊິນຈຽງ”. ໃນກອງປະຊຸມຂ່າວກ່ຽວກັບບັນຫາຊິນຈຽງໃນວັນທີ 29 ກັນຍານີ້, ທ່ານສູຍກຸ້ຍຊຽງ ໂຄສົກອົງການປົກຄອງເຂດປົກຄອງອຸຍເກີຊິນຈຽງກ່າວວ່າ, ຖ້ອຍຄວາມຊ້ຳຊາກຂອງອິດທິກຳລັງຕ້ານຈີນເປັນການຫຼອກລວງປະຊາຄົມໂລກ ແລະ ຝ່າຝືນກັບສະພາບຄວາມເປັນຈິງ, ຝ່າຝືນກົດໝາຍ ແລະ ຝ່າຝືນຄວາມທ່ຽງທຳ, ແມ່ນການທ້າທາຍເກາະຜິດຢ່າງຮ້າຍແຮງຕໍ່ຄວາມສິວິໄລທາງສັງຄົມຂອງມະນຸດ, ຜູ້ຮັກຫອມຄວາມເປັນທຳໃນໂລກຍ່ອມຈະບໍ່ເຊື່ອຟັງຄຳຕົວະຍົວະ ແລະ ການຫຼອກລວງແບບນີ້.
ທ່ານສູຍກຸ້ຍຊຽງກ່າວວ່າ, ນັບແຕ່ທ້າຍປີ 2018 ເປັນຕົ້ນມາ, ເຈົ້າໜ້າທີ່ອົງການສະຫະປະຊາຊາດ, ທູດບັນດາປະເທດປະຈຳຈີນ, ກອງເລຂາອົງການຮ່ວມມືອີສລາມ, ຜູ້ຕາງໜ້າບັນດາປະເທດປະຈຳເຊີແນວ, ນັກຂ່າວຕ່າງປະເທດ ແລະ ສາສະນິກະຊົນ 150 ກວ່າຄະນະ 2.000 ຄົນຈາກ 100 ກວ່າປະເທດ ແລະ ເຂດແຄວ້ນໄດ້ໄປທັດສະນະຢ້ຽມຢາມຊິນຈຽງ, ເຂົາເຈົ້າໂດຍທົ່ວໄປແລ້ວ ໄດ້ເຫັນສະພາບຕົວຈິງຂອງເຂດຊິງຈຽງ ແລະ ໄດ້ຮູ້ເຖິງຄວາມໂຫດຮ້າຍຂອງອິດທິກຳລັງທີ່ຕ້ານຈີນໂດຍແມ່ນອາເມຣິກາ ແລະ ຝ່າຍຕາເວັນຕົກ. ເດືອນຕຸລາປີ 2020, ໃນຄະນະກຳມະການທີ 3 ຂອງສະມັດຊາໃຫຍ່ອົງການສະຫະປະຊາຊາດຄັ້ງທີ 75, ມີເກືອບ 50 ປະເທດໄດ້ສະໜັບສະໜູນຕໍ່ມາດຕະການທີ່ຈີນຈັດຕັ້ງປະຕິບັດຢູ່ຊິນຈຽງ ແລະ ຄັດຄ້ານບາງປະເທດທີ່ໃສ່ຮ້າຍປ້າຍສີເຂດຊິນຈຽງຂອງຈີນ. ເດືອນຕຸລາປີ 2020, ທູດປະຈຳຈີນຂອງ 20 ປະເທດອາຣັບ ພ້ອມທັງຜູ້ຕາງໜ້າສັນນິບາດປະເທດອາຣັບໄດ້ເດີນທາງຢ້ຽມຢາມຊິນຈຽງ, ແລ້ວໄດ້ຕີລາຄາສູງຕໍ່ຜົນງານທີ່ຊິນຈຽຍາດມາໄດ້ໃນດ້ານຕ່າງໆ ເຊັ່ນ: ການຕ້ານການກໍ່ການຮ້າຍ ແລະ ການປາສະຈາກກຸ່ມຫົວຮຸນແຮງ, ການຮັບປະກັນເສລີພາບຂອງປະຊາຊົນໃນການເຊື່ອຖືສາສະໜາ, ການຊຸກຍູ້ການພັດທະນາເສດຖະກິດ ແລະ ການປັບປຸງຊີວິດການເປັນຢູ່ຂອງປະຊາຊົນເປັນຕົ້ນ.
ຄຳເຫັນ
0