ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 29 ກັນຍານີ້, ພິທີມອບ “ລາງວັນລິງຄຳ” ໃນເທດສະການກາຕູນແອນນີເມເຊິນສາກົນຈີນຄັ້ງທີ17ທີ່ຈັດໂດຍສະຖານີວິທະຍຸໂທລະພາບສູນກາງຈີນໄດ້ຈັດຂຶ້ນຢູ່ນະຄອນຮາງໂຈ່. ງາຍປະກວດ “ລາງວັນລີງຄຳ” ແມ່ນກຽດຕິຍົດສູງສຸດລະດັບສາກົນໃນການປະກວດຜົນງານກາຕູນແອນນີເມເຊິນດີເດັ່ນ, ວົງການກາຕູນພາຍໃນປະເທດຍ້ອງວ່າ: ນີ້ແມ່ນ “ລາງວັນສູງສຸດຂອງກາຕູນແອນນີເມເຊິນຈີນ”.
ປີນີ້, ການປະກວດ “ລາງວັນລິງຄຳ”ໄດ້ເຕົ້າໂຮມຜົນງານກາຕູນແອນນີເມເຊິນທີ່ປະດິດສ້າງໃໝ່ຈາກໂລກຜ່ານທາງອອນລາຍ ແລະ ອອຟລາຍ, ໄດ້ຮັບຜົນງານກາຕູນ 1176 ເລື່ອງຈາກ 16 ປະເທດ ແລະ ເຂດແຄວ້ນສົ່ງເຂົ້າຮ່ວມປະກວດ, ເຊິ່ງມີຈຳນວນເພີ່ມຂຶ້ນຫຼາຍເມື່ອທຽບໃສ່ປີ 2020.
ໃນງານຄັ້ງນີ້ໄດ້ມີຜົນງານ 31 ລາຍການທີ່ໄດ້ຮັບລາງວັນຄຳ ລາງວັນເງິນ ແລະ ລາງວັນທອງ ເຊິ່ງລວມທັງປະເພດກາຕູນແອນນີເມເຊິນທີ່ເປັນລະບົບສັງລວມ, ວີດີໂອກາຕູນແອນນີເມເຊິນສັ້ນສັງລວມ, ຮູບກາຕູນສັງລວມ ແລະ ອື່ນໆ, ພ້ອມດ້ວຍວີດີໂອກາຕູນແອນນີເມເຊິນສັ້ນ ແລະ ຮູບກາຕູນທີ່ມີກຳລັງບົ່ມຊ້ອນດີເດັ່ນ.
ຄະນະກຳມະການຈັດງານຍັງໄດ້ຈັດງານສັງສັນເພື່ອການລົງທຶນສຳລັບຜົນງານທີ່ໄດ້ຮັບລາງວັນ, ເພື່ອໃຫ້ການສະໜັບສະໜູນໃນດ້ານຕ່າງໆ, ເຊັ່ນ: ການພິມຈຳໜ່າຍ, ການປົກປ້ອງລິກຂະສິດ, ການພັດທະນາຜະລິດຕະພັນກ່ຽວຂ້ອງ, ການລົງທຶນ, ການຜະລິດຮູບຊົງຈຳລອງ, ການປະດິດສ້າງກາຕູນແອນນີເມເຊິນແລະອື່ນໆ. ໃນມື້ດຽວກັນ, ໄດ້ມີ ວິສາຫະກິດ 6 ກຸ່ມມີຈຸດປະສົງທີ່ຈະຮ່ວມມືກັນ.
ຄຳເຫັນ
0