ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນຕອນບ່າຍຂອງວັນທີ 30 ກັນຍາແລ້ວນີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ຕ້ອນຮັບການເຂົ້າຢ້ຽມຄຳນັບຂອງຜູ້ຊ່ຽວຊານຕ່າງປະເທດທີ່ໄດ້ຮັບລາງວັນມິດຕະພາບລັດຖະບານຈີນປີ 2020 ແລະປີ 2021 ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ.
ທ່ານຫຼີເຄີ້ສຽງໄດ້ສະແດງຄວາມຊົມເຊີຍຢ່າງສຸດອົກສຸດໃຈຕໍ່ຜູ້ຊ່ຽວຊານຕ່າງປະເທດທີ່ໄດ້ຮັບລາງວັນ, ໄດ້ຍ້ອງຍໍຢ່າງເຕັມທີ່ຕໍ່ການປະກອບສ່ວນຂອງພວກເພິ່ນໃນການປະຕິຮູບແລະເປີດປະຕູສູ່ພາຍນອກ, ການພັດທະນາແລະຄວາມກ້າວໜ້າຂອງຈີນ, ພ້ອມທັງການໄປມາຫາສູ່ກັນຢ່າງມີໄມຕີຈິດມິດຕະພາບລະຫວ່າງຈີນກັບຕ່າງປະເທດ, ແລະຝາກດ້ວຍເຂົາເຈົ້າສະແດງຄວາມຢື້ຢາມຖາມຂ່າວຢ່າງອົບອຸ່ນໄປຍັງພວກຜູ້ຊ່ຽວຊານຕ່າງປະເທດແລະຄອບຄົວທີ່ເຮັດວຽກຢູ່ຈີນທັງໝົດ, ພ້ອມດ້ວຍເພື່ອນມິດສາກົນທີ່ເອົາໃຈໃສ່ແລະສະໜັບສະໜູນການພັດທະນາຂອງຈີນ.
ຜູ້ຊ່ຽວຊານຕ່າງປະເທດທີ່ໄດ້ຮັບລາງວັນໄດ້ສະແດງຄວາມຂອບໃຈນຳລັດຖະບານຈີນທີ່ໄດ້ມອບລາງວັນໃຫ້ແລະການຕ້ອນຮັບຂອງທ່ານຫຼີເຄີ້ສຽງ, ກ່າວວ່າຈະສືບຕໍ່ປະກອບສ່ວນເຂົ້າໃນການຊຸກຍູ້ການພັດທະນາຂອງຈີນ.
ຄຳເຫັນ
0