ຕາມ​ຂ່າວCRI：ວັນ​ທີ 2 ຕຸ​ລາ​ນີ້ຕາມ​ເວ​ລາ​ທ້ອງ​ຖິ່ນ,ສື່ມວນ​ຊົນອິນ​ເດຍ​ໄດ້​ລາຍ​ງານ​ວ່າ, ເຈົ້າ​ໜ້າ​ທີ່​ກະ​ຊວງ​ການ​ທ່ອງ​ທ່ຽວ​ອິນ​ເດຍ​ໄດ້​ແຈ້ງ​ໃຫ້​ສື່ມວນ​ຊົນ​ຮູ້​ວ່າ, ຄຽງ​ຄູ່​ກັບ​ກໍ​ລະ​ນີ​ຕິດເຊື້ອ​ພະ​ຍາດ​ໂຄວິດ-19 ຂອງ​ອິນ​ເດຍ​ໄດ້​ຫຼຸດ​ໜ້ອຍລົງ​ຢ່າງ​ຕໍ່​ເນື່ອງ, ອິນ​ເດຍ​ຈະ​ເລີ່ມ​ຊຸກ​ຍູ້​ການ​ຟື້ນ​ຟູ​ການ​ທ່ອງ​ທ່ຽວ​ພາຍ​ໃນ​ປະ​ເທດແລະ​ສາ​ກົນ. ລັດ​ຖະ​ບານ​ຈະ​ປະ​ກາດ​ຂໍ້​ຕົກ​ລົງ​ດັ່ງ​ກ່າວໂດຍ​ໄວ, ນັກ​ທ່ອງ​ທ່ຽວ​ສາ​ກົນ​ອາດຈະ​ເຂົ້າ​ເມືອງໄດ້​ນັບ​ແຕ່​ວັ​ນ​ທີ 15 ຕຸ​ລາ​ນີ້ເປັນ​ຕົ້ນ​ໄປ.

ປັດ​ຈຸ​ບັນ​ນີ້, ຖ້ຽວ​ບິນສາ​ກົນ​ຂອງ​ອິນ​ເດຍ​ຍັງ​ບໍ່​ທັນ​ຟື້ນ​ຟູ​ການ​ບໍ​ລິ​ການ​ໃຫ້​ເປັນ​ປົກ​ກະ​ຕິເທື່ອ, ນັກ​ທ່ອງ​ທ່ຽວສາ​ກົນ​ທີ່​ຈະ​ເຂົ້າ​​ເມືອງ​ໃນ​ວັນ​ທີ 15 ຕຸ​ລາ​ນີ້​ອາດ​ຈະ​ເຂົ້າ​ເມືອງດ້ວຍ​ວິ​ທີ​ການ​ເໝົາ​ຍົນ.