ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານຊິນຮວາລາຍງານວ່າ: ຕອນຄ່ຳວັນທີ 2 ຕຸລານີ້, ທ່ານໂຮເຊອິນ ອາເມຍ ອັບໂດລາຮຽນ ລັດຖະມົນຕີກະຊວງການຕ່າງປະເທດອີຣານໄດ້ໃຫ້ສຳພາດຕໍ່ໂທລະພາບແຫ່ງຊາດອີຣານວ່າ: ອາເມຣິກາຕ້ອງການຍົກເລີກການງົດຊັບສິນຢູ່ຕ່າງປະເທດຂອງອີຣານຈຳນວນໜຶ່ງ ໂດຍຖືກອາຍັດຍ້ອນການຂວ້ຳບາດຂອງອາເມຣິກາ ເພື່ອສະແດງ “ຄວາມຈິງໃຈ” ຂອງລັດຖະບານຊຸດນີ້ຂອງອາເມຣິກາ ທີ່ຕ່າງກັນກັບລັດຖະບານຊຸດກ່ອນ ແລະ ກັບຄືນສູ່ສັນຍາຮອບດ້ານກ່ຽວກັບບັນຫານິວເຄຼຍອີຣານ.
ທ່ານໂຮເຊອິນ ອາເມຍ ອັບໂດລາຮຽນກ່າວວ່າ: ອີຣານຈະຟື້ນຟູການເຈລະຈາກັບຝ່າຍອື່ນໆທີ່ມີສ່ວນກ່ຽວຂ້ອງກັບສັນຍາຮອບດ້ານກ່ຽວກັບບັນຫານິວເຄຼຍອີຣານ “ໃນໄວໆນີ້”, ແຕ່ອາເມຣິກາ “ຕ້ອງສະແດງໃຫ້ເຫັນເຖິງຈຸດປະສົງ ແລະ ຄວາມປາຖະໜາທີ່ແທ້ຈິງຂອງຕົນ”.
ທ່ານກ່າວຕື່ມວ່າ: ອີຣານພວມກຳນົດລາຍຊື່ສະມາຊິກຂອງໜ່ວຍເຈລະຈາໃນຂັ້ນສຸດທ້າຍ, ແນວທາງລວມຂອງລັດຖະບານອີຣານທີ່ມີຕໍ່ການເຈລະຈານິວເຄຼຍອີຣານກໍໃກ້ຈະເຮັດຂຶ້ນຢ່າງສຳເລັດແລ້ວ. ຖ້າອາເມຣິກາແລະຝ່າຍຕາເວັນຕົກອື່ນໆທີ່ມີສ່ວນກ່ຽວຂ້ອງກັບສັນຍາຮອບດ້ານກ່ຽວກັບບັນຫານິວເຄຼຍອີຣານບໍ່ “ສະແດງໃຫ້ເຫັນເຖິງຄວາມຈິງໃຈ ແລະ ຄວາມປາຖະໜາທີ່ແທ້ຈິງຂອງເຂົາເຈົ້າ”, ລັດຖະບານຊຸດໃໝ່ຂອງອີຣານກໍຈະບໍ່ “ເສຍເວລາໄປລ້າໆຢູ່ຂ້າງໂຕະການເຈລະຈາ”.
ຄຳເຫັນ
0