ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ຕຸລານີ້, ທ່ານເສິນຊູ້ ຜູ້ຕາງໜ້າຈີນປະຈຳສຳນັກງານອົງການສະຫະປະຊາຊາດທີ່ເຊີແນວ ແລະ ອົງການຈັດຕັ້ງສາກົນອື່ນໆທີ່ສວິສ ໄດ້ຕາງໜ້າຣັດເຊຍ, ກູບາ, ອິນເດຍ, ບຣາຊິນ, ອາຣັບບີຊາອູດິດ, ອີຣານ ແລະ ບາເຣນ ທີ່ເປັນປະເທດທີ່ມີຈຸດຢືນຄ້າຍຄືກັນ ປະກອບຄຳເຫັນຮ່ວມໃນກອງປະຊຸມສະໄໝທີ 48 ຂອງສະພາສິດທິມະນຸດອົງການສະຫະປະຊາຊາດ ໂດຍຮຽກຮ້ອງໃຫ້ກຳຈັດພິດຮ້າຍທີ່ຕົກທອດມາຈາກລະບອບຂ້າທາດ, ການຄ້າຂ້າທາດຂ້າມມະຫາສະໝຸດອັດລັງຕິກ ແລະ ລັດທິລ່າເມືອງຂຶ້ນ ເພື່ອບັນລຸຄວາມເປັນທຳ ແລະ ຄວາມສະເໝີພາບລະຫວ່າງຊົນຊາດ.
ທ່ານເສິນຊູ້ກ່າວວ່າ: ປີນີ້ແມ່ນປີລະນຶກ “ຖະແຫຼງການ ແລະ ແຜນປະຕິບັດງານເດີບັນ” ໄດ້ຜ່ານການຮັບຮອງຄົບຮອບ 20 ປີ, ເຖິງວ່າປະຊາຄົມໂລກໄດ້ພະຍາຍາມຢ່າງຫຼວງຫຼາຍ ເພື່ອຕໍ່ຕ້ານລັດທິຊາດນິຍົມ, ແຕ່ການກຳຈັດລັດທິຊາດນິຍົມ, ການຈຳແນກເຊື້ອຊາດ, ຈິດໃຈຄຽດແຄ້ນຄົນຕ່າງຊາດ ແລະ ການກະທຳທີ່ຮຸນແຮງ ຍັງມີໜ້າທີ່ອັນໜັກໜາ. ປະເທດທີ່ກ່ຽວຂ້ອງຄວນປະເຊີນໜ້າກັບປະຫວັດສາດຢ່າງຖືກຕ້ອງ, ປະເຊີນໜ້າກັບລັດທິຊາດນິຍົມ ແລະ ການຈຳແນກເຊື້ອຊາດທີ່ເປັນລະບົບຂອງຕົນຢ່າງຖືກຕ້ອງ, ໃຊ້ການກະທຳຕົວຈິງ ເພື່ອຈັດຕັ້ງປະຕິບັດ “ຖະແຫຼງການ ແລະ ແຜນປະຕິບັດງານເດີບັນ” ຢ່າງຮອບດ້ານ ແລະ ບັງເກີດຜົນ, ຊຸກຍູ້ແລະປົກປ້ອງສິດທິມະນຸດຢ່າງແທ້ຈິງ.
ຄຳເຫັນ
0