ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ຕຸລານີ້, ຫ້ອງການຖະແຫຼງຂ່າວເຂດທະຫານພາກກາງຣັດເຊຍໄດ້ຖະແຫຼງວ່າ: ຣັດເຊຍຈະຈັດການຊ້ອມຮົບຮ່ວມປະເທດພາຄີອົງການສົນທິສັນຍາຄວາມໝັ້ນຄົງຮວມໝູ່ 3 ຄັ້ງຢູ່ຕາມຊາຍແດນອັຟການິສະຖານໃນເດືອນຕຸລານີ້.
ເພື່ອຮັບມືກັບສະຖານະການຢູ່ອັຟການິສະຖານ, ຫຼາຍປະເທດພາຄີອົງການສົນທິສັນຍາຄວາມໝັ້ນຄົງຮວມໝູ່ ເຊັ່ນ: ຣັດເຊຍ: ອູສເບກີສະຖານ ແລະ ຕາຈີກີສະຖານ ເປັນຕົ້ນໄດ້ຈັດການຊ້ອມຮົບຮ່ວມຫຼາຍຄັ້ງໃນເດືອນສິງຫາປີນີ້ ເພື່ອຮັບມືກັບການປ່ຽນແປງຂອງສະຖານະການຢູ່ອັຟການິສະຖານ.
ຄຽງຄູ່ກັບການປ່ຽນແປງຂອງສະຖານະການພາຍໃນປະເທດອັຟການິສະຖານ, ປະເທດພາຄີອົງການສົນທິສັນຍາຄວາມໝັ້ງຄົງຮວມໝູ່ກໍໄດ້ເພີ່ມທະວີການຄວບຄຸມເຂດຊາຍແດນລະຫວ່າງອັຟການິສະຖານກັບປະເທດໃກ້ຄຽງ. ຕາມຂ່າວສານຕາສຂອງຣັດເຊຍລາຍງານວ່າ: ທ່ານວະລາດິເມຍ ປູຕິນ ປະທານາທິບໍດີຣັດເຊຍກ່າວວ່າ: ປະເທດພາຄີອົງການສົນທິສັນຍາຄວາມໝັ້ນຄົງຮວມໝູ່ຄວນທຳການກະກຽມໃຫ້ດີ ເພື່ອຕີຖອຍໄພຂົ່ມຂູ່ຈາກພາຍນອກ. ທ່ານເຊີເກ ໂຊອີກູ ລັດຖະມົນຕີກະຊວງປ້ອງກັນປະເທດຣັດເຊຍກໍກ່າວວ່າ: ຖ້າປະເທດພາຄີອົງການສົນທິສັນຍາຄວາມໝັ້ນຄົງຮວມໝູ່ປະສົບໄພຂົ່ມຂູ່, ຣັດເຊຍກໍຈະໃຫ້ການຊ່ວຍເຫຼືອທາງການທະຫານ.
ຄຳເຫັນ
0