ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານ ເຊີເກ ລາຟໂຣຟ ລັດຖະມົນຕີກະຊວງການຕ່າງປະເທດຣັດເຊຍໄດ້ພົບປະກັບຜູ້ຕາງໜ້າຂອງສະມາຄົມວິສາຫະກິດທະວີບເອີຣົບປະຈຳຣັດເຊຍໃນວັນທີ 8 ຕຸລານີ້ຕາມເວລາທ້ອງຖິ່ນ, ໂດຍກ່າວວ່າ: ຣັດເຊຍເດັດດ່ຽວຄັດຄ້ານປະເທດຕາເວັນຕົກ ເຊັ່ນ: ອາເມຣິກາ ແລະປະເທດອື່ນໆ ຍົກຍ້າຍພື້ນຖານໂຄງລ່າງດ້ານການທະຫານຈາກອັຟການີສະຖານໄປສູ່ປະເທດອາຊີກາງ ຫລືຈັດສັນພື້ນຖານໂຄງລ່າງດ້ານການທະຫານອັນໃໝ່ຢູ່ປະເທດອາຊີກາງ.
ທ່ານເຊີເກ ລາຟໂຣຟກ່າວເນັ້ນໜັກວ່າ: ເຖິງວ່າອາເມຣິກາອ້າງວ່າການຈັດສັນພື້ນຖານໂຄງລ່າງດ້ານການທະຫານຢູ່ປະເທດອາຊີກາງຈະສາມາດໂຈມຕີກຸ່ມກໍ່ການຮ້າຍທີ່ຢູ່ໃນອັຟການີສະຖານໃນກໍລະນີຈຳເປັນຈາກໄລຍະໄກໄດ້, ແຕ່ວ່າການກະທຳແບບນີ້ຈະເຮັດໃຫ້ປະເທດອາຊີກາງທີ່ໃຫ້ການຮ່ວມມືກັບອາເມຣິກາກາຍເປັນເປົ້າໝາຍໂຈມຕີຂອງກຸ່ມກໍ່ການຮ້າຍໃນທັນທີ.
ຄຳເຫັນ
0