ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 8 ຕຸລານີ້, ທ່ານວາງເວີນທ່າວ ລັດຖະມົນຕີກະຊວງການຄ້າຈີນໄດ້ສົນທະນາກັບທ່ານເອິນໂກຊີ ໂອຄອນໂຈ ອິວີລາ ຜູ້ອຳນວຍການໃຫຍ່ອົງການການຄ້າໂລກຫຼື WTO ຜ່ານທາງອອນລາຍຕາມນັດ, ສອງຝ່າຍໄດ້ແລກປ່ຽນຄວາມຄິດເຫັນກ່ຽວກັບບັນຫາຕ່າງໆ ເຊັ່ນ: ວຽກງານກະກຽມກອງປະຊຸມຂັ້ນລັດຖະມົນຕີ WTO ຄັ້ງທີ 12 (MC12), ການປະຕິຮູບ WTO ແລະບັນຫາອື່ນໆ.
ທ່ານວາງເວີນທ່າວກ່າວວ່າ: ກອງປະຊຸມ MC12 ໄດ້ຮັບຜົນສຳເລັດຈະມີຄວາມໝາຍສຳຄັນຕໍ່ WTO ແລະການພັດທະນາເສດຖະກິດຂອງໂລກ, ຝ່າຍຕ່າງໆຄວນສຸມໃສ່ຂົງເຂດທີ່ອາດຈະບັນລຸຄວາມຮັບຮູ້ທີ່ເປັນເອກະພາບກັນແລ້ວເລັ່ງລັດການດຳເນີນງານ. ຈີນຫວັງວ່າ, MC12 ຈະສົ່ງສັນຍານອັນຕັ້ງໜ້າທີ່ສະໜັບສະໜູນລະບົບການຄ້າຫຼາຍຝ່າຍ. ຈີນຈະສືບຕໍ່ຕັ້ງໜ້າເຂົ້າຮ່ວມການປຶກສາຫາລື ແລະເສີມຂະຫຍາຍບົດບາດທີ່ມີລັກສະນະສ້າງສັນໃນການກະກຽມກອງປະຊຸມຄັ້ງນີ້.
ທ່ານເອິນໂກຊີ ໂອຄອນໂຈ ອິວີລາ ຜູ້ອຳນວຍການໃຫຍ່ WTO ຂອບໃຈນຳຈີນທີ່ໄດ້ເສີມຂະຫຍາຍບົດບາດສຳຄັນໃນວຽກງານຂອງ WTO, ຫວັງວ່າຈີນຈະເສີມຂະຫຍາຍບົດບາດຫຼາຍກວ່າເກົ່າໃນວຽກງານຕໍ່ໄປ, ເພື່ອຊຸກຍູ້ໃຫ້ກອງປະຊຸມຄັ້ງນີ້ໄດ້ຮັບໝາກຜົນອັນຕັ້ງໜ້າ.
ຄຳເຫັນ
0